Бо мақсади баланд бардоштани сифати таҳсилот дар доираи ҳамкориҳо бо Иттиҳоди Аврупо бо истифода аз модулҳои таълимӣ аз оғози соли таҳсили 2018-2019 панҷ фанни таълимӣ: химия, физика, биология, география ва технологияи иттилоотӣ ба муносибати босалоҳият ба таълим гузаронида шуд. Ҳамзамон, зиёда аз 7,5 ҳазор омӯзгори фанҳои забонӣ аз курсҳои омӯзишӣ гузаронида шуданд. Таҳлилҳо нишон медиҳад, ки азхудкунии барномаи таълимӣ ва сифати таҳсилот нисбат ба соли таҳсили 2016-2017 таносубан 1,6% ва 0,4% баланд гардидааст, ки ин ҳанӯз қонеъкунанда нест.