Зимни ҷаласа Р. Саидзода-вазири маориф ва илм дар қатори масъалаҳои баррасишаванда, инчунин, вобаста ба проблемаву мушкилоти соҳаи маориф сухан ронда, доир ба иҷрои саривақтии дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни Паём ба Маҷлиси Олӣ таъкид гардидаанд, ба масъулин дастуру супоришҳои мушаххас дод. 

Дар идомаи ҷаласа Ғуломқодир Бобизода-президенти Академияи таҳсилоти Тоҷикистон, Фирӯза Асфияева-раиси Иттифоқҳои касабаи дастгоҳи марказии вазорат, Саида Набизода-сармуҳаррири маҷаллаи “Маорифи Тоҷикистон”, Киромиддин Назаров-директори Маркази ҷумҳуриявии технологияи информатсионӣ ва коммуникатсия ба музокира баромада, доир ба баъзе проблемаву мушкилоти ҷойдошта дар муассисаҳои тобеи вазорат ва роҳҳои ҳалли онҳо андешаҳои худро иброз намуданд.