ДАР ВАЗОРАТИ МАОРИФ ВА ИЛМ БАХШИ КОНФРОНСИ ИЛМӢ-НАЗАРИЯВИИ “СОЗАНДАГИҲОИ ПЕШВОИ МИЛЛАТ ДАР ТӮЛИ СЕ ДАҲСОЛАИ СОҲИБИСТИҚЛОЛӢ” БАРГУЗОР ГАРДИД
15-11-2021
15-уми ноябри соли ҷорӣ дар толори Вазорати маориф ва илми Ҷумҳурии Тоҷикистон бо иштироки Муҳаммадюсуф Имомзода-вазири маориф ва илм, муовинони вазири маориф ва илм, ректорону омӯзгорони муассисаҳои таҳсилоти олии касбӣ, роҳбарону кормандони дастгоҳи марказии вазорат ва муассисаҳои тобеи он бахши Конференсияи ҷумҳуриявии илмӣ-назариявӣ дар мавзуи "Созандагиҳои Пешвои миллат дар тӯли се даҳсолаи соҳибистиқлолӣ" бахшида ба Рӯзи Президенти Ҷумҳурии Тоҷикистон баргузор гардид.
Дар кори конфронс Нуъмонҷон Ғаффорӣ-ректори Донишгоҳи давлатии омӯзгории Тоҷикистон ба номи С.Айнӣ дар мавзуи “Бозтоби симои омӯзгор дар осор ва паёмҳои Пешвои миллат”, Абдусалом Мирализода-ректори Донишгоҳи давлатии Кӯлоб ба номи А. Рӯдакӣ дар мавзуи “Эмомалӣ Раҳмон – бунёдгузори мактаби давлатдории муосири миллӣ”, Муҳриддин Низомӣ-ректори Донишкадаи давлатии фарҳанг ва санъати Тоҷикистон ба номи М.Турсунзода дар мавзуи “Пешвои миллат дар рушди фарҳанги миллӣ дар замони истиқлол”, Хоналӣ Қурбонзода-ректори Донишкадаи ҷумҳуриявии такмили ихтисос ва бозомӯзии кормандони соҳаи маориф дар мавзуи “Тулӯи авҷи фитрат дар китоби “Уфуқҳои истиқлол”-и Эмомалӣ Раҳмон”, Давлаталӣ Алимов-мудири кафедраи таърихи умумӣ ва фарҳангшиносии Донишгоҳи давлатии Бохтар ба номи Н.Хусрав дар мавзуи “Сиёсати маорифпарваронаи Пешвои миллат дар мисоли як донишгоҳ”, Сабзаалӣ Асоев-дотсенти факултети таърихи Донишгоҳи миллии Тоҷикистон дар мавзуи “Эмомалӣ Раҳмон ва таҳкими истиқлоли Тоҷикистон”, Дилором Сайдаҳмадзода-директори Маркази омӯзишии “Мактаби давлатдории Эмомалӣ Раҳмон” дар мавзуи “Марҳилаҳои таҳкими вазъи сиёсию ҳуқуқии занон дар замони Истиқлолият”, Ғолибҷон Санавваров-мудири кафедраи Донишгоҳи давлатии ҳуқуқ, бизнес ва сиёсати Тоҷикистон дар мавзуи “Эмомалӣ Раҳмон эҳёгари тамаддуни халқи тоҷик дар шароити муосири ҷаҳонишавии Тоҷикистон”, Раҳмоналӣ Шарифов-декани факултети таърихи Донишгоҳи миллии Тоҷикистон дар мавзуи “Эмомалӣ Раҳмон ва рушди маорифи Тоҷикистон дар замони соҳибистиқлолӣ” ва Ҷамолиддин Сафолов-муаллими калони кафедраи таърихи халқи тоҷики факултети таърихи ДМТ дар мавзуи “Эмомалӣ Раҳмон-асосгузори консепсияи омӯзиши таърихи тамаддуни ориёиҳо” маърӯза намуданд.