Муҳаммадюсуф Имомзода-вазири маориф ва илм пешниҳод намуд, ки дар самти татбиқи баъзе аз барномаву нақшаҳои соҳавӣ, аз ҷумла дар доираи эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» бояд ҳамкориҳоро вусъат бахшид.

  Осама Маккави Хогали- роҳбари Дафтари ЮНИСЕФ дар Тоҷикистон низ таъкид намуд, ки масъалаи рушди соҳаи маориф ва илми Тоҷикистон аз асоситарин ҳадафҳои Дафтари ЮНИСЕФ дар Тоҷикистон ва роҳбарияти он ба шумор меравад. 

   Ҷонибҳо вобаста ба таъмини ҳифзи саломатии кӯдакону наврасон дар муассисаҳои таълимии томактабӣ ва миёнаи умумӣ низ ибрози назар намуданд. Роҳбари Дафтари ЮНИСЕФ дар Тоҷикистон махсус қайд намуд, ки барои таъмини амнияти саломатии кӯдакону наврасон дар шароити пандемия дар муассисаҳои таълимии томактабӣ ва миёнаи умумӣ дар якҷоягӣ бо Вазорати маориф ва илми Ҷумҳурии Тоҷикистон тамоми чораҳои заруриро меандешанд.