Дар рафти семинар, дар қатори  дигар масъалаҳо, аз ҷумла, таъкид гардид, ки дар шароити кунинӣ бояд тамоми дастурҳои миллӣ оид ба обтаъминкунӣ, санитария  ва гигиена дар муассисаҳо тибқи стандартҳо ба роҳ монда шаванд. Тибқи маълумотҳои оморӣ 79% муассисаҳои таълимӣ дастрасӣ ба санитария ва 26% муассисаҳо дастгоҳҳои дастшӯӣ доранд. 

Лейле Эммерсон-менеҷери барномаи тандурустии Намояндагии Итиҳоди Аврупо дар Ҷумҳурии Тоҷикистон изҳор дошт, ки дастрасӣ ба хизматрасониҳо ва маводи санитарӣ-гигиенӣ дар муассисаҳо бояд боз ҳам беҳтар карда шавад, то хавфи сироятёбӣ ба бемориҳои сироятӣ, аз ҷумла COVID-19 пешгирӣ карда шавад. Риояи шартҳои оддӣ, ба мисли шӯстани дастҳо ва риояи гигиенаи шахсӣ хавфи паҳншавии сироятҳоро коҳиш медиҳад.

 Зимни семинари мазкур  ба иштирокчиён оид ба таъмини муассисаҳои таълимӣ ба шабакаҳои мутамаркази обрасонӣ ва ҷавобгӯ будани онҳо бо стандартҳо, дар дохили бинои муассисаҳо будани қуттиҳои партов, инчунин, бо маҳлулҳои антисептикӣ таъмин будан ва дигар мавуъҳои муҳим тавсияҳои муфид дода шуд.