02.05.2025
2 майи соли 2025 дар Вазорати маориф ва илми Ҷумҳурии Тоҷикистон вохӯрии муовини вазири маориф ва илм Бадриддин Музаффарзода бо директори Барномаи озуқавории ҷаҳонии СММ (БОҶ) дар Тоҷикистон Адҳам Мусаллам баргузор гардид.
Муовини вазири маориф ва илм зимни вохӯрӣ зикр намуд, ки соҳаи ғизои мактабӣ аз самтҳои муҳимми иҷтимоии кишвар ба ҳисоб рафта, барои беҳбудии саломатии кӯдакон ва рушди неруи зеҳнии онҳо мусоидат мекунад.
Таъкид шуд, ки Барномаи давлатии рушди ғизои мактабӣ барои солҳои 2022–2027 бо мақсади баланд бардоштани сифати ғизои муассисаҳои таҳсилоти умумӣ амалӣ шуда, бо дастгирии Ҳукумати Ҷумҳурии Тоҷикистон ва ҳамкории муассир бо БОҶ натиҷаҳои назаррас ба даст овардааст.
Директори БОҶ дар Тоҷикистон дар навбати худ аз ҳамкории судманди Барномаи ҷаҳонии озуқаи СММ бо Вазорати маориф ва илм изҳори сипос намуда, таъкид кард, ки дар доираи марҳилаи нав (2025–2028) барнома боз ҳам тавсеа меёбад. Ба гуфтаи ӯ, соли 2025 наздики 50 мактаб бо таҷҳизоти зарурии ошхона таъмин мегарданд ва 40 мактаб бо фаъолияти тавлиди даромад, аз ҷумла гармхона ва занбӯрпарварӣ дастгирӣ хоҳанд ёфт.
Ҷонибҳо омодагии худро барои густариши бештари барнома дар саросари кишвар ва таҳкими иқтидори маҳаллӣ дар самти ғизои мактабӣ изҳор намуданд. Ҳамзамон, зарурати саҳми фаъолонаи мақомоти маҳаллӣ ва волидайн дар татбиқи муваффақонаи лоиҳа махсус таъкид гардид.
Ҳадаф аз мулоқот тақвияти ҳамкориҳои дуҷониба ва таъмини шароити беҳтари ғизои солим барои хонандагони мактабҳои кишвар арзёбӣ шуд.
Маркази матбуоти
Вазорати маориф ва илми
Ҷумҳурии Тоҷикистон
Хабарҳои дигар
-
ВЕБИНАРИ МАҶОЗӢ БО МУШОВИРИ БАЙНАЛМИЛАЛИИ БОР 10 сентябри соли 2025 дар толори маҷлисгоҳи Гурӯҳи идоракунии лоиҳаи STEM вебинари маҷозӣ бо мушовири байналмилалии БОР хонум Сара Мартин доир гардид. Вебинари мазкур аз ҷониби намояндагии БОР дар Тоҷикистон ташкил гардида, дар он намояндагиҳои бонк ва лоиҳаҳое, ки аз ҷониби бонк маблағгузорӣ мегарданд, ширкат намуданд. Вебинарро бо сухани ифтитоҳӣ Ҷеймс Лонг, намояндаи Бонки Осиёии Рушд дар Тоҷикистон оғоз намуда, оид ба ҳадафи баргузории вебинари мазкур маълумот дод. Сипас, мушовири байналмилалии БОР хонум Сараҳ Мартин бо презентатсия дар мавзуи “Монеаҳо барои ифшои SEAH (ИШЗОҶ) ва раванди шикоят” баромад намуд. Сара Мартин тавсияҳои ёддошти таҷрибаи хуби БОР оид ба ҳамгироии гузоришдиҳӣ дар бораи истисмори шаҳвонӣ, зӯроварӣ ва озори ҷинсӣ, баррасии парвандаҳо ба механизмҳои баррасии шикоятҳои лоиҳаро таъкид намуд. Зимни баргузории вебинар кормандони лоиҳа фаъолона ширкат намуда, вобаста ба масъалаи муроҷиатҳо, ҳассосият, махфият ва гузоришдиҳии SEAH маълумоти муфассал гирифтанд.
32
10.09.2025 -
Омӯзиши дурӯза оид ба дастрасӣ дар таҳсилоти касбию техникӣ дар Душанбе баргузор шуд. Душанбе, Тоҷикистон — 2-3 сентябри соли 2025, омӯзиши дурӯза оид ба "Дастрасӣ дар таҳсилоти касбӣ" баргузор гардид. Раиси Кумитаи таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, муҳтарам Фарҳод Раҳимӣ, бо сухани истиқболӣ баромад карда, оғози тренингро расман эълон намуд. Ин омӯзиш дар доираи лоиҳаи "Дастгирии Иттиҳоди Аврупо ба соҳаҳои маориф ва меҳнати Ҷумҳурии Тоҷикистон" ба нақша гирифта шуд. Ин тренинг ба омӯзгорон ва устодон аз мактабҳои касбомӯзӣ ва марказҳои таҳсилоти калонсолон бо дониш ва воситаҳои амалӣ барои дастгирии донишҷӯён бо ниёзҳои махсуси таълимӣ тарҳрезӣ шуд. Ҳадафи асосӣ ин - ба омӯзгорон фаҳмонидани таҳсилоти дастрас ва андешидани чораҳо барои беҳтар гардонидани муҳити омӯзиш аст. Дар охири тренинг иштирокчиён бо сертификат сарфароз гардонида шуданд.
243
03.09.2025 -
Боздиди мушовири ширкати EDS Global аз муассисаҳои таълимӣ дар доираи ҳамкорӣ бо Бонки Осиёии Рушд Мушовири ширкати байналмилалии мушовирии EDS Global – ҷаноби Гурнит Сингҳ дар доираи татбиқи лоиҳаҳои рушди инфрасохтори соҳаи маориф, аз як қатор муассисаҳои таҳсилоти миёнаи умумии шаҳру ноҳияҳои кишвар боздид ба амал овард. Ин боздид бо ҳадафи шиносоӣ бо вазъи кунунии муассисаҳои таълимӣ ва муайянсозии эҳтиёҷоти сохтмони биноҳои иловагӣ анҷом дода шуд. Ҷаноби Сингҳ зимни сафари корӣ бо роҳбарияти мактабҳо, намояндагони мақомоти маҳаллӣ ва масъулини соҳаи маориф мулоқот анҷом дода, дар ҷараёни он ҷанбаҳои муҳими техникӣ ва лоиҳавии сохтмони биноҳои иловагиро дар доираи лоиҳаи STEM баррасӣ намуд. Ба гуфтаи ҷаноби Сингҳ, Бонки Осиёии Рушд омода аст ҷиҳати беҳтарсозии шароити таҳсил ва рушди инфрасохтори соҳа дар ҳамкорӣ бо Ҳукумати Ҷумҳурии Тоҷикистон, таъмини маблағгузории марҳилавии сохтмон ва таҷҳизонидани муассисаҳои таълимиро ба роҳ монад. Дар ҷараёни боздид, инчунин масоили марбут ба устувории биноҳо, дастрасии баробар ба таҳсил, муҳити бехатар ва тоза барои хонандагон ва омӯзгорон мавриди таваҷҷуҳи ҷиддӣ қарор гирифтанд. Лоиҳаҳои мазкур як қадами муҳим дар роҳи расидан ба ҳадафҳои стратегии рушди соҳаи маориф дар Тоҷикистон арзёбӣ мегарданд.
292
27.08.2025
