ЭМОМАЛӢ РАҲМОН
АСОСГУЗОРИ СУЛҲУ ВАҲДАТИ МИЛЛӢ-ПЕШВОИ МИЛЛАТ
ВАЗОРАТИ МАОРИФ ВА ИЛМИ ҶУМҲУРИИ ТОҶИКИСТОН
Хабарҳо
Ҳамаи хабарҳо
-
КӮДАКОН ОЯНДАИ ОСУДАВУ ОБОДИ ДАВЛАТ ВА МИЛЛАТАНД Паёми табрикии вазири маориф ва илми Ҷумҳурии Тоҷикистон Саидзода Раҳим Ҳамро ба муносибати Рӯзи байналмилалии ҳифзи кӯдакон Кӯдакони азиз! Фарзандони арҷманд! Шуморо ба муносибати Рӯзи байналмилалии ҳифзи кӯдакон, ки ҳамасола 1 июн дар саросари ҷаҳон таҷлил мегардад, самимона шодбош намуда, бароятон саломативу сарбаландӣ, таҳсили хубу аъло, фароғату истироҳат ва зиндагии пурсаодатро таманно дорам. Мусаллам аст, ки дар замони соҳибистиқлолӣ таваҷҷуҳи асосӣ ба соҳаи маориф зоҳир карда шуд ва бо дастгириву роҳнамоиҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, шароити мусоиди таълиму тарбия барои кӯдакон фароҳам оварда шуд. Зеро кӯдакон сарвати асосии давлат буда, фарогирӣ ба таҳсил, ҳифзи ҳуқуқҳо, шароити хуби зиндагӣ, истироҳату фароғат ва солимии онҳо дар меҳвари сиёсати давлатӣ қарор дорад. Ба ин мазмун, Пешвои миллат муҳтарам Эмомалӣ Раҳмон таъкид кардаанд: “Кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Зеро ба дунё омадани тифл дар ҳар як оила хушбахтиву иқболи нек меорад ва чун зангӯлаи идомаи ҳаёт садо медиҳад”. Шоистаи таъкид аст, ки дар кишвари соҳибистиқлоли мо санадҳои муҳимми давлатӣ қабул гардидаанд, ки ҳифзи ҳуқуқҳои кӯдаконро таъмин мекунанд. Аз ҷумла, қабули Қонуни Ҷумҳурии Тоҷикистон “Дар бораи ҳифзи ҳуқуқҳои кӯдакон”, ки дар асоси он ба таври дақиқу ҳамаҷониба ҳуқуқҳои онҳо ҳифз ва дар ин замина, рисолати аҳли ҷомеа муайян шудааст. Дар баробари ин, стратегияву консепсия ва барномаҳои давлатӣ амал мекунанд, ки фаъолияти кӯдаконро дар ҳама ҷабҳаҳо таъмин менамоянд. Дар баробари ин, барои бештар ҷалб намудани кӯдакон ба омӯзиш, ҳисси баланди худшиносиву худогоҳӣ, ифтихори ватандорӣ ва такомулу ташаккули тафаккури онҳо бо дастури Пешвои муаззами миллат озмунҳои ҷумҳуриявии “Фурӯғи субҳи доноӣ китоб аст”, “Илм – фурӯғи маърифат” ва “Тоҷикистон – Ватани азизи ман” роҳандозӣ гардиданд. Дар озмунҳои мазкур бештари довталабонро кӯдакон ташкил медиҳанд ва бо суханварӣ, дониши мукаммал ва ҳунару маҳорати фавқулода баромад менамоянд, ки шаҳодати возеҳ аз доштани ҷаҳонбинии пешрафта, дар рӯҳияи ватандӯстӣ ва ҳифзи арзишҳои миллӣ ба камол расидани насли замони истиқлол мебошад. Дар Паёми Президенти мамлакат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон (28.12.2024) ба масъалаи вусъати бунёди муассисаҳои таҳсилоти миёнаи умумӣ ва кӯдакистонҳо дастурҳои мушаххас дода шуд. Аз ҷумла, ба масъулин супориш дода шуд, ки: “Дар панҷ соли оянда бо истифода аз ҳама сарчашмаҳои маблағгузорӣ ва бо дарназардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаи таҳсилоти томактабӣ ва беш аз 1000 муассисаи таҳсилоти умумиро таъмин намоянд... Бо дарназардошти афзоиши аҳолӣ, барои дар ҳар як маҳалли аҳолинишин, ки 100 оила зиндагӣ мекунад, ҳатман бунёд кардани як муассисаи томактабӣ тадбирҳои зарурӣ андешанд”. Дар баробари ғамхорӣ ва дастгириҳои пайвастаи Ҳукумати Ҷумҳурии Тоҷикистон, хосса Пешвои миллат дар самти ҳифзи ҳуқуқҳои кӯдакон, вазифаи мо, омӯзгорон, падару модарон ва умуман, аҳли ҷомеа низ дар масъалаи таълиму тарбияи шоистаи онҳо бештар мегардад. Зеро таъмини ҳифзу ҳимояи кӯдакон ба ҳамбастагии фаъолияти тамоми қишрҳои ҷомеа вобаста мебошад, то онҳо ба омӯзишу таҳсил ҷиддӣ машғул шаванд, истироҳату фароғат намоянд, давраи ширини кӯдакиро дошта бошанд, дар муҳити солими оила ва ҷомеа ба камол расанд ва дар оянда ҳамчун неруи созандаву бунёдкор дар пешрафту шукуфоии Ватани азизамон — Тоҷикистон содиқона хизмат кунанд. Бори дигар Рӯзи байналмилалии ҳифзи кӯдаконро ба тамоми кӯдакони кишвар табрик гуфта, барояшон рӯзгори хуш, қалби шод, оромиву осоиши хонадон, иқболи баланд ва саломатии бардавомро орзумандам. Рӯзи байналмилалии ҳифзи кӯдакон муборак бод!33
01.06.2025
-
ВОХӮРӢ БО ДИРЕКТОРИ ГЕНЕРАЛИИ СОЗМОНИ ҶАҲОНИИ ИСЛОМӢ ОИД БА МАСЪАЛАҲОИ МАОРИФ, ИЛМ ВА ФАРҲАНГ (ИСЕСКО) Имрӯз, 31 майи соли 2025 дар шаҳри Душанбе вазири маориф ва илми Ҷумҳурии Тоҷикистон Раҳим Саидзода бо Директори генералии Созмони ҷаҳонии исломӣ оид ба масъалаҳои маориф, илм ва фарҳанг (ИСЕСКО) Салим ал-Молик мулоқоти расмӣ анҷом дод. Дар ҷараёни вохӯрӣ ҷонибҳо масъалаҳои муҳимми тақвияти ҳамкориҳои дуҷониба дар бахшҳои илму маориф, ташкили лоиҳаҳои муштарак, мубодилаи таҷриба, таҳкими неруи кадрӣ ва ворид намудани технологияи муосир ба низоми таҳсилотро мавриди баррасӣ қарор доданд. Вазири маориф ва илм зимни суханронии худ иброз дошт, ки Ҷумҳурии Тоҷикистон Созмони ҷаҳонии исломӣ оид ба масъалаҳои маориф, илм ва фарҳангро ҳамчун шарики боэътимод ва некухоҳ қабул намуда, узвият дар ин созмони калидиро ҷузъи ҷудонашавандаи сиёсати маорифпарваронаи худ медонад. Зарфият ва имконоти мавҷуда дар соҳаҳои илму таҳсилот моро водор месозанд, ки дар асоси ҳусни тафоҳум ва ҳамкории созанда фаъолияти муштаракро ба сатҳи сифатан нав бардорем. Аз ин рӯ, пешниҳод мегардад, ки самтҳои нав ва таҳрикдиҳандаи манфиатбор ба рӯи кор оварда шаванд. Ҷонибҳо ҳамзамон доир ба масъалаи “сабзкунонии таҳсилот” мубодилаи афкор анҷом дода, зарурати ворид намудани унсурҳои рушди устувор ба низоми таълимро таъкид намуданд. Дар ин замина, роҳбари ИСЕСКО, доктор Салим ал-Молик изҳори омодагӣ кард, ки созмон омодааст, дар ҳамбастагӣ бо Вазорати маориф ва илми Ҷумҳурии Тоҷикистон ва Донишгоҳи Кембриҷи Британияи Кабир як лоиҳаи мушаххас ва навоварона таҳия намояд, ки татбиқи он дар фазои таҳсилоти Тоҷикистон бо назардошти принсипҳои экологӣ ва таълими сабз амалӣ хоҳад гашт. Роҳбари ИСЕСКО зикр намуд, ки ин нахустин ибтикор дар ин самт буда, бори аввал маҳз дар Ҷумҳурии Тоҷикистон татбиқ мегардад ва метавонад ба сифати модели намунавӣ барои дигар кишварҳо хизмат намояд. Дар анҷоми мулоқот пешниҳод шуд, ки яке аз намояндагони соҳаи маориф дар сатҳи баланди коршиносӣ ба ҳайати ҳамоҳангсози лоиҳа шомил гардад ва марҳилаи татбиқи амалии лоиҳа бо суръат роҳандозӣ шавад. Мулоқот дар фазои дӯстона ва бо рӯҳи созандагӣ ҷараён гирифта, ҷонибҳо аз иродаи қавии худ барои таҳкими ҳамкориҳои судманд дар ҳамаи зинаҳои таҳсилот ва илм таъкид карданд. Маркази матбуотиВазорати маориф ва илмиҶумҳурии Тоҷикистон43
31.05.2025
-
ҶАЛАСАИ НАВБАТИИ ҲАЙАТИ МУШОВАРАИ ВАЗОРАТИ МАОРИФ ВА ИЛМ БАРГУЗОР ГАРДИД 30 майи соли 2025 таҳти раёсати вазири маориф ва илм Раҳим Саидзода ҷаласаи навбатии ҳайати мушовараи Вазорати маориф ва илм баргузор гардид. Дар ҷаласа муовини якум, муовинони вазир, сардорони раёсату шуъбаҳои дастгоҳи марказӣ, роҳбарони муассисаҳои тобеи вазорат ва дигар кормандони соҳаи маориф ширкат варзиданд. Дар оғози ҷаласа вазири маориф ва илм ҳозиринро ба масъалаҳои рӯзнома шинос намуда, таъкид кард, ки иҷрои босамари стратегияҳо ва барномаҳои давлатӣ дар самти маориф, ҷиҳати рушди соҳа аҳамияти калидӣ дорад. Сараввал мудири шуъбаи маркетинг, амвол ва хариди давлатии вазорат Умед Ҳасанзода оид ба омодагӣ ба мавсими тирамоҳу зимистонгузории солҳои таҳсили 2025–2026 дар муассисаҳои таълимии ҷумҳурӣ ва таъмини саривақтии онҳо бо маводи сухт (аз ҷумла ангишту ҳезум) суханронӣ намуд. Зимни баррасии масъалаҳои мазкур раиси ҷаласа иброз дошт, ки таъмини муассисаҳои таълимӣ бо маводи сӯзишворӣ яке аз омилҳои муҳимми фароҳамсозии муҳити устувори таълимӣ дар мавсими сармо буда, Вазорати маориф ва илм ин равандро таҳти назорати доимӣ қарор дода, дар ҳамкорӣ бо мақомоти маҳаллӣ ва сохторҳои марбута ҷиҳати таъмини саривақтӣ ва босифати ангишту ҳезум тадбирҳои мушаххас меандешад. Сипас, гузоришҳои мушовири вазири маориф ва илм Искандар Аминов доир ба лоиҳаи Нақшаи кори Вазорати маориф ва илм барои нимсолаи дуюми соли 2025 ва директори Маркази ҷумҳуриявии таълимию методӣ Шавкат Каримзода оид ба “Низомномаи муҷаҳҳазгардонии кабинетҳои фаннӣ ва озмоишгоҳҳои муассисаҳои таҳсилоти миёнаи умумӣ” шунида шуд. Дар идома гузориши директори Маркази таҳия, нашр ва муомилоти китобҳои дарсӣ, илмию методӣ Ннаврӯзи Ҷумъамурод оид ба адабиётҳои нави таълимӣ барои муассисаҳои таҳсилоти миёнаи умумӣ аз ҷумла, китоби дарсии “English” (забони англисӣ) барои хонандагони синфи 7, китоби “Асосҳои бехатарии ҳаёт” барои дарсҳои тарбиявии синфҳои 6-7-уми муассисаҳои таҳсилоти умумӣ ва дигар барномаву китобҳои таълимӣ барои баррасӣ ва тасдиқ пешниҳод гардид. Бо назардошти ироаи таклифу пешниҳодҳои аҳли толор вобаста ба масъалаҳои баррасишуда қарорҳои дахлдор қабул гардид. Дар фарҷом, вазири маориф ва илм бо такя ба дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъулин оид ба иҷрои ҳатмии стратегияву барномаҳои давлатӣ, омодагии саривақтӣ ба мавсими тирамоҳу зимистонгузаронӣ дар муассисаҳои таълимӣ, такмили инфрасохтор ва муҷаҳҳазгардонии кабинетҳои фаннӣ, тавсеаи истифодаи пардохти ғайринақдӣ дар муомилоти китобҳои дарсӣ, боло бурдани сатҳи сифати таълим ва фарогирии бештари кӯдакон ба таҳсилоти томактабӣ, ташвиқи хонандагону устодон ба иштирок дар озмунҳои ҷумҳуриявию байналмилалӣ ва нашру бознашри китобҳои дарсӣ дастуру супоришҳои мушаххас дод. Маркази матбуоти Вазорати маориф ва илми Ҷумҳурии Тоҷикистон64
30.05.2025
Лоиҳаҳо
Ҳамаи лоиҳаҳо
-
Барои донишҷӯён
Маълумоти муфид барои донишҷӯён
-
Волидайн
Маълумоти муфид барои волидайн
-
Барои омӯзгорон
Маълумоти муфид барои омӯзгорон
-
МТМУ
Маълумоти муфид барои МТМУ
-
МТО
Маълумоти муфид барои МТО
Захираҳо
-
Китобхонаи электронӣ
Вазорати маориф ва илми Ҷумхурии Тоҷикистон
-
Мактаб Мобайл
Платформаи таълимии рақамӣ
-
Китобдӯст
Замимаи мобилӣ барои хурдсолон
-
Сандуқчаи зулбиё
Платформа барои хонандагони томактабӣ
-
Анбори электронӣ
Захираҳои электронӣ
-
Бозиҳои математикӣ
Замимаи мобилӣ барои хонандагони синфҳои 1-4
Эълон
Бештар-
28.05.2025
ЗАПРОС НА ЦЕНОВОЕ ПРЕДЛОЖЕНИЕ
ЗАПРОС НА ЦЕНОВОЕ ПРЕДЛОЖЕНИЕ Бештар -
28.05.2025
ЗАПРОС НА ЦЕНОВОЕ ПРЕДЛОЖЕНИЕ
ЗАПРОС НА ЦЕНОВОЕ ПРЕДЛОЖЕНИЕ Бештар -
28.05.2025
ЗАПРОС НА ЦЕНОВОЕ ПРЕДЛОЖЕНИЕ
ЗАПРОС НА ЦЕНОВОЕ ПРЕДЛОЖЕНИЕ Бештар
Ҳамаи элонҳо
Ҷумҳурӣ
Таҳсилоти томактабӣ
Тарбиятгиранда
Омӯзгор
Таҳсилоти миёнаи умумӣ
Хонанда
Омӯзгор
Таҳсилоти олии касбӣ
Донишҷӯ
Омӯзгор
