БАРНОМАИ ДАСТГИРИИ ТАҲСИЛОТИ БОСИФАТ II
-
Тренинг оид ба таҳияи маводи рақамии таълимӣ дар низоми муассисаҳои таълими ибтидоӣ ва касбӣ ва Маркази омӯзиши калонсолон Дар доираи чорабинии 1.5.3 лоиҳаи «Барномаи дастгирии Иттиҳоди Аврупо дар соҳаҳои маориф ва меҳнати Ҷумҳурии Тоҷикистон» тренинги махсус баргузор гардид, ки ҳадафи он расонидани кӯмаки методӣ ба омӯзгорон ва тренерони муассисаҳои Таҳсилоти ибтидоии касбӣ (ТИК) ва Марказҳои омӯзиши калонсолон (МОК) мебошад. Ҷаноби Штефан Зиверт - Роҳбари лоиҳаи «Барномаи дастгирии Иттиҳоди Аврупо дар соҳаҳои маориф ва меҳнати Ҷумҳурии Тоҷикистон», бо сухани ифтитоҳӣ баромад намуда, тренингро расман оғоз кард. Ӯ таъкид намуд, ки баргузории чунин тренинг қадами муҳим дар роҳи модернизатсияи низоми маориф дар Тоҷикистон мебошад ва ба омӯзгорону тренерон имкон медиҳад, ки усулҳо ва технологияҳои муосири таълимиро дар фаъолияти худ татбиқ намоянд. Ба истифодаи технологияи муосир, аз ҷумла зеҳни сунъӣ (ЗС), барои таҳияи маводи босифати таълимӣ ва автоматикунонии раванди таълим, диққати махсус дода шуд. Ғайр аз ин, иштирокчиён асосҳои методологии таҳияи маводи таълимии рақамии модулиро омӯхтанд, ки ба онҳо имкон медиҳад курсҳои дорои мутобиқат ва самаранок таҳия намоянд.16
17.02.2025
-
НАТИҶАГИРӢ АЗ РАФТИ ИҶРОИ ЛОИҲАИ “КӮМАКИ ИТТИҲОДИ АВРУПО БА СОҲАҲОИ МАОРИФ ВА МЕҲНАТИ ҶУМҲУРИИ ТОҶИКИСТОН” 29-уми январи соли ҷорӣ дар толори меҳмонхонаи “Ҳилтон” вобаста ба натиҷагирӣ аз рафти иҷрои лоиҳаи “Кӯмаки Иттиҳоди Аврупо ба соҳаҳои маориф ва меҳнати Ҷумҳурии Тоҷикистон” семинар баргузор гардид. Дар семинари мазкур муовини вазири маориф ва илм Равшан Каримзода, муовини раиси Кумита оид ба таҳсилоти ибтидоӣ ва миёнаи касбӣ Алишер Ализода, роҳбари шуъбаи ҳамкорӣ Изабел Уриз, менеҷер оид ба соҳаи маорифи намояндагии Иттиҳоди Аврупо дар Ҷумҳурии Тоҷикистон Диана Димова, намояндагони Вазорати меҳнат, муҳоҷират ва шуғли аҳолӣ, сардорон ва кормандони раёсату шуъбаҳои дахдори дастгоҳи марказӣ ва муассисаҳои тобеи Вазорати маориф ва илм иштирок намуданд. Зимни сухани ифтитоҳӣ муовини вазири маориф ва илм аз таваҷҷуҳу ғамхориҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба соҳаи маориф ёдовар шуда, ҳамкориҳои Вазорати маориф ва илми Ҷумҳурии Тоҷикистонро бо шарикони рушд дар самтҳои гуногуни соҳа дар партави сиёсати маорифпарваронаи Сарвари давлат боиси рушди соҳаи маориф унвон намуд. Сипас, намояндагони лоиҳа дар ҳамкорӣ бо намояндагони соҳаи маориф аз корҳои басомонрасида дар доираи лоиҳаи мазкур натиҷагирӣ намуда, нақшаҳои ва муҳлати амалишавии онҳоро пешниҳоди ҳозирин намуданд. Дар охир гуфта шуд, ки рушди босуботи соҳаи маориф тақозо мекунад, ки низоми маориф ба стандартҳои байналмилалӣ мутобиқ карда шавад ва ҳамкориҳо бо ташкилоту созмонҳои байналмилалӣ вусъат пайдо кунад.186
29.01.2025
-
Баргузории семинари якум оид ба дурнамои малакаҳо Дар доираи лоиҳаи “Дастгирии Иттиҳоди Аврупо ба соҳаҳои маориф ва меҳнати Ҷумҳурии Тоҷикистон”, ки бо маблағгузории Иттиҳоди Аврупо амалӣ мегардад, якум семинари оид ба Дурнамои малакаҳо баргузор гардид. Ҳадафи семинар баланд бардоштани иқтидори мақомоти Тоҷикистон барои мутобиқ намудани малакаҳои кадрҳо бо талаботи бозори меҳнат буд. Иштирокчиён бо усулҳои дурнамои малакаҳо шинос шуда, соҳаҳои асосӣ, аз ҷумла технологияҳои иттилоотӣ, гузариш ба энергетикаи сабз ва сохтмонро барои таҳқиқоти оянда муайян намуданд. Ҳамчунин, нақшаи корӣ барои қадамҳои минбаъда таҳия гардид. Ин ташаббус, ки бо маблағгузории Иттиҳоди Аврупо дастгирӣ шудааст, як қадами муҳим дар роҳи пешгӯии ниёзҳои ояндаи бозори меҳнат дар Тоҷикистон мебошад.228
13.12.2024
