27.08.2025
Ба ифтихори ҷашни 34-солагии Истиқлоли давлатии Ҷумҳурии Тоҷикистон дар Ҷамоати деҳоти Қаратоғи шаҳри Турсунзода муассисаи томактабии хусусӣ бо номи «Олами афсона» мавриди истифода қарор дода мешавад. Дар ин хусус раиси Ҷамоати деҳоти Қаратоғи шаҳри Турсунзода Усмоналӣ Қодирзода ба хабарнигори минтақавии АМИТ «Ховар» Субҳониддини Маҳмуд иттилоъ дод.
Кӯдакистон бо беҳтарин шароит бунёд гардида, дар он ошхонаи замонавӣ, ҳуҷраҳои хоби кӯдакон бо катҳои хоб ва дигар имконияти маишӣ муҳайё гардидааст. Дар ин ҷо 80 нафар кӯдакон ба таълиму тарбия фаро гирифта мешаванд.
Тибқи иттилои масъулини Ҷамоати деҳоти Қаратоғ, дар арафаи ҷашни 34-солагии Истиқлоли давлатӣ дар ҷамоат 9 иншоот, аз қабили биноҳои иловагӣ дар назди муассисаҳои таълимии №95, №102, №36, №91, №44, №90 бо теъдоди 42 синфхона ба истифода дода мешавад. Дар онҳо барои 1050 хонанда дар як баст ҷойи нишаст муҳайё карда мешавад. Ҳамчунин дар назди Муассисаи таҳсилоти миёнаи умумии №36-и деҳаи Шурхок кӯдакистон барои 30 нафар ва дар деҳаи Имоми Аъзам толори варзишӣ мавриди истифода қарор дода мешавад.
Баъди ба истифода додани биноҳои иловагии муассисаҳои таълимӣ мушкилоти ҷойи нишаст бартараф мегардад.
Хабарҳои дигар
-
НИШАСТИ МАТБУОТӢ. Дар Донишгоҳи байналмилалии забонҳои хориҷии Тоҷикистон шаш ихтисоси нав таъсис дода шуд Бо мақсади мутобиқ намудани омодасозии мутахассисон ба талаботи бозори меҳнат дар соли таҳсили 2026–2027 дар Донишгоҳи байналмилалии забонҳои хориҷии Тоҷикистон ба номи Сотим Улуғзода дар зинаи бакалавр шаш ихтисоси нав ташкил карда шуд. Дар ин хусус ректори донишгоҳ Жило Гулназарзода имрӯз зимни нишасти матбуотӣ ба хабарнигорон иттилоъ дод. Шарҳ дода шуд, ки ин ихтисосҳо–«Забонҳои муосири хориҷӣ (забони англисӣ ва забони чинӣ)», «Педагогикаи рақамӣ», «Филология ва таълими забонҳо (забони тоҷикӣ ва забони англисӣ)», «Филология ва таълими забонҳо (забони узбекӣ ва забони англисӣ)», «Таҳсилоти ибтидоӣ. Забони англисӣ» ва «Таҳсилоти томактабӣ. Забони англисӣ» мебошанд. Иброз гардид, ки бо қарори Шурои олимони донишгоҳ 50 донишҷӯ аз пардохти маблағи шартномаи таҳсил пурра озод карда шуд. Инчунин барои 21 нафар 50 фоиз сабукӣ муқаррар гардид. Ба иттилои ректор, дар доираи тадбирҳои дастгирии иҷтимоӣ ҳамчунин 19 омӯзгор аз пардохти маблағи хобгоҳ озод гардида, 8 омӯзгор барои тасдиқи рисолаҳои номзадӣ ҳар кадом бо маблағи 5000 сомонӣ ҳавасманд карда шуд. Инчунин дар давраи ҳисоботӣ 10 омӯзгори донишгоҳ рисолаҳои илмӣ, аз ҷумла 8 нафар рисолаи номзадӣ ва 2 нафар рисолаи докторӣ ҳимоя намуданд. Ҳамзамон рисолаҳои 10 унвонҷӯ ва докторант барои дифоъ ба шуроҳои диссертатсионӣ пешниҳод гардиданд.
61
13.07.2026 -
НИШАСТИ МАТБУОТӢ. Дар муассисаҳои таълимии Тоҷикистон сатҳи дониш ва азхудкунии барномаҳои таълимӣ баланд гардидааст Аз натиҷаи мониторинги шуъбаҳои идоракунии сифати таҳсилоти муассисаҳои таҳсилоти олии касбӣ дар нимсолаи дуюми соли таҳсили 2025- 2026 муайян гардид, ки сатҳи дониши донишҷӯён ба 46,6 ва азхудкунии барномаҳои таълимӣ ба 88,2 фоиз баробар аст. Нисбат ба нимсолаи дуюми соли таҳсили 2024-2025 сатҳи дониши донишҷӯён 2,3 фоиз ва азхудкунии барномаҳои таълимӣ 2,9 фоиз баланд гардидааст. Дар ин хусус имрӯз зимни нишасти матбуотии Вазорати маориф ва илми Ҷумҳурии Тоҷикистон баён гардид. Иттилоъ дода шуд, ки соли 2025 даври озмоишӣ ва соли 2026 даври асосии арзёбии байналмилалии PIRLS дар 171 муассисаи таҳсилоти умумии 52 шаҳру ноҳияи ҷумҳурӣ бо иштироки 6975 хонандаи синфҳои чорум гузаронида шуд. Натиҷаи ҷамъбасти мониторинги гурӯҳҳои идоракунии сифати таҳсилот дар муассисаҳои таҳсилоти умумӣ дар соли таҳсили 2025-2026 муайян намуд, ки сатҳи дониши хонандагон ба 38,9 фоиз ва азхудкунии барномаҳои таълимӣ ба 95,5 фоиз баробар мебошад. Дар муқоиса ба соли таҳсили 2024-2025 дар муассисаҳои таҳсилоти умумӣ сифати таҳсилот 1,4 фоиз ва азхудкунии барномаҳои таълимӣ 1,1 фоиз баланд гардидааст. Таъкид шуд, ки бо назардошти таҷрибаи давлатҳои муваффақ индикаторҳои арзёбии сифати таҳсилот дар муассисаҳои таҳсилоти умумӣ, таҳсилоти олии касбӣ ва таҳсилоти касбии баъд аз муассисаи олии таълимӣ таҳия гардида, барои аз бақайдгирии давлатӣ гузаронидан ба Вазорати адлияи Тоҷикистон фиристода шуданд. Вазорати маориф ва илми Ҷумҳурии Тоҷикистон якҷо бо Маркази миллии тестии назди Президенти Ҷумҳурии Тоҷикистон маротибаи нахустин иштироки хонандагони муассисаҳои таҳсилоти умумии шаҳри Душанберо дар арзёбии байналмилалии PISA-2025 ба нақша гирифтанд, ки даври озмоишии он соли 2024 ва даври асосӣ соли 2025 гузаронида шуд. Натиҷаи ниҳоии он 14 сентябри соли 2026 аз ҷониби Маркази байналмилалии PISA эълон карда мешавад.
43
10.07.2026 -
Охват дошкольным образованием в Таджикистане вырос на 7,1 % На сегодняшний день в Таджикистане действует 831 дошкольное учреждение, в которых воспитываются 134 263 ребенка, что на 74 учреждения и 15 871 ребенка больше по сравнению с аналогичным периодом 2025 года. Об этом на пресс-конференции сообщил Министр образования и науки Республики Таджикистан Рахим Саидзода. В целях повышения охвата и доступности дошкольного образования и воспитания детей при учреждениях общего образования создано 3158 центров развития детей раннего возраста, которыми охвачено 183 710 детей. Это на 227 центров и 50 349 детей больше по сравнению с аналогичным периодом прошлого года. Общий охват дошкольным образованием с учетом центров развития детей раннего возраста составляет 317 973 ребенка, что на 66 220 детей или 7,1 % больше по сравнению с аналогичным периодом прошлого года. В центрах развития детей раннего возраста работают 5732 педагога.
40
10.07.2026
