15.04.2026
Дар доираи татбиқи сиёсати маорифпарваронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва бо мақсади беҳтар намудани шароити таълиму тарбия дар назди муассисаи таҳсилоти миёнаи умумии № 72-и ноҳияи Ёвон сохтмони бинои иловагӣ иборат аз 16 синфхонаи таълимӣ барои 800 хонанда дар ду баст оғоз гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Дар маросими оғози сохтмон раиси ноҳияи Ёвон Икромиддин Вализода, роҳбарону кормандони соҳаи маориф ва фаъолон иштирок намуданд.
Таъкид гардид, ки иқдоми мазкур бо саҳми соҳибкори ватандӯст Акбар Асадулло амалӣ гардида, намунаи равшани шарикии давлат ва бахши хусусӣ дар рушду пешрафти соҳаи маориф ба ҳисоб меравад. Иншооти мазкур тибқи нақшаи лоиҳаи сохтмонӣ то ҷашни 35-солагии Истиқлоли давлатӣ сохта, мавриди баҳрабардорӣ қарор дода мешавад.
Раиси ноҳия иброз намуд, ки бо дастгирии сиёсати давлатӣ ва ҷалби соҳибкорони маҳаллӣ тадриҷан мушкилоти норасоии синфхонаҳо бартараф гардида, барои хонандагон шароити муосири таҳсил фароҳам оварда мешавад.
Ҳамзамон таъкид карда шуд, ки бинои нави иловагӣ дорои синфхонаҳои замонавӣ буда, ба беҳтар гардидани сифати таълим ва фарогирии бештари хонандагон мусоидат менамояд.
Соҳибкори маҳаллӣ Акбар Асадулло дар баробари бунёди иншооти мазкур барои сохтмони бинои нави иловагӣ дар назди муассисаи таҳсилоти миёнаи умумии № 69 ва дигар муассисаҳои таълимии ноҳия низ саҳмгузорӣ менамояд.
Хабарҳои дигар
-
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид Донишгоҳи байналмилалии сайёҳӣ ва соҳибкории Тоҷикистон ба таври расмӣ ҳамоҳангсози миллии шабакаи UI GreenMetric ва ташаббусҳои «сабз» дар Тоҷикистон таъйин гардид, иттилоъ медиҳад АМИТ «Ховар» бо истинод ба ин донишгоҳ. Дарёфти ин шаҳодатномаи байналмилалӣ нишонаи эътирофи Донишгоҳи байналмилалии сайёҳӣ ва соҳибкории Тоҷикистон дар самти тарғиби устувории экологӣ ва ташаббусҳои «сабз» мебошад. Минбаъд Донишгоҳи байналмилалии сайёҳӣ ва соҳибкории Тоҷикистон ҳамчун маркази асосии ҳамоҳангсоз барои тамоми муассисаҳои таҳсилоти олии касбии Тоҷикистон дар доираи рейтинги ҷаҳонии «UI GreenMetric Sustainable University Rankings» фаъолият хоҳад кард. Шаҳодатномаи мазкур 15 апрел зимни ифтитоҳи Саммити ректорони донишгоҳҳои сабз, ки дар доираи Форуми байналмилалии «Ҳамкорӣ ба хотири рушди устовор: Сабз. Рақамӣ. Ҳушманд» дар Душанбе баргузор гардид, аз ҷониби роҳбари «UI GreenMetric»-и Донишгоҳи Индонезия, доктор Вишну Ҷувоно ба ректори Донишгоҳи байналмилалии сайёҳӣ ва соҳибкории Тоҷикистон, профессор Убайдулло Асрорзода тақдим гардид.
5
15.04.2026 -
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд Рақамикунонӣ ва зеҳни сунъӣ яке аз самтҳои асосӣ ва калидии дурнамои рушди давлат маҳсуб шуда, пешрафти он ба идоракунии давлатӣ, иқтисод, молия, энергетика ва хизматрасониҳо мусоидат менамояд. Чунин иброз намуд муовини Сарвазири Ҷумҳурии Тоҷикистон Дилрабо Мансурӣ дар маросими ифтитоҳи Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд», ки имрӯз дар пойтахти Тоҷикистон- шаҳри Душанбе оғоз гардид. Хабарнигори АМИТ «Ховар» иттилоъ медиҳад, ки Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» бо иқдоми Донишгоҳи байналмилалии сайёҳӣ ва соҳибкории Тоҷикистон дар мувофиқа бо Ҳукумати Ҷумҳурии Тоҷикистон созмон дода шуд. Дар он беш аз 2000 нафар иштирокдорон, роҳбарони муассисаҳои олӣ ва касбии кишварҳои хориҷӣ ва Тоҷикистон, олимону донишмандон, коршиносон, намояндагони корпусҳои дипломатии муқими Тоҷикистон ва созмонҳои байналмилалию минтақавӣ иштирок намуданд. Таҳкими ҳамкории байналмилалии академӣ дар соҳаи рушди устувор, пешбурди навовариҳо, технологияҳои рақамӣ ва қарорҳои «ҳушманд» барои иқтисоди устувор, дастгирии ташаббусҳои ҷавонон, стартапҳо ва лоиҳаҳои илмӣ дар соҳаи экология, иқлим, захираҳои об, энергетика ва шаҳрсозии сабз, инчунин намоиши таҷрибаҳои беҳтарини таълимӣ, илмӣ ва соҳибкорӣ, пешбурд ва дастгирии институтсионалии ташаббусҳои глобалӣ ва байналмилалии Ҷумҳурии Тоҷикистон дар соҳаҳои рушди устувор, рақамикунонӣ ва истифодаи зеҳни сунъӣ аз ҳадафҳои асосии форум арзёбӣ гардид. Дар форуми байналмилалӣ муовини Сарвазири мамлакат оид ба рушди соҳаҳои иқтисоди «сабз», рақамӣ ва зеҳни сунъӣ дар мамлакат ва тадбирҳои андешидаи Ҳукумати Ҷумҳурии Тоҷикистон, хусусан Президенти Ҷумҳурии Тоҷикистон муҳтарам Эмомалӣ Раҳмон сухан намуд. Гуфта шуд, ки Ҳукумати Тоҷикистон дар ин самт якчанд санаду барномаҳои давлатӣ қабул намудааст. Аз ҷумла, қабули «Стратегияи рушди зеҳни сунъӣ дар Ҷумҳурии Тоҷикистон барои давраи то соли 2040», Консепсияи иқтисоди рақамии Ҷумҳурии Тоҷикистон, «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои давраи солҳои 2021-2025» аз қадамҳои қатъӣ дар самти муваффақ гардидан дар рушди иқтисоди миллии мамлакат маҳсуб мешаванд. Технологияҳои рақамӣ ва зеҳни сунъӣ на танҳо соҳаи иқтисод, балки сохтори иҷтимоӣ ва низоми идоракунии давлатиро тағйир медиҳанд. Он аз ҷиҳати идоракунӣ муфиду самаровар буда, дастрасии аҳолиро ба маълумот, маориф ва хизматрасонӣ беҳтар намуда, нобаробариии минтақавӣ ва мушкилоти табииро коҳиш медиҳад ва сатҳи зиндагии шаҳрвандонро боло мебарад. Таъкид гардид, ки мавзуи меҳварии форум, ки фарогири мавзуъҳои вобаста ба рушди устувор, иқтисоди «сабз», идоракунии рақамӣ ва истифодаи оқилонаи имконияти технологияҳои нав мебошад, дар суръатбахшии стратегия, Консепсияи иқтисоди рақамӣ, «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои давраи солҳои 2021-2025», ҳамкории мутақобил ва табодули таҷриба дар ин самт қадами муассир мебошад. Бояд гуфт, ки Тоҷикистон ба ин раванд бо диду назари нав ва таҳаввулоти амиқ ворид гардидааст. Дар баробари ташаббусҳои ҷаҳонӣ дар соҳаи обу иқлим Тоҷикистон мавқеи худро дар масоили зеҳни сунъӣ тадриҷан таҳким мебахшад. Моҳи июли соли 2025 Маҷмаи Умумии Созмони Милали Муттаҳид қатъномаи махсус қабул намуд, ки бо он ташаббуси Тоҷикистон пешниҳод гардида, ба нақши зеҳни сунъӣ дар фароҳам овардани имконияти нав барои рушди устувор дар Осиёи Марказӣ бахшида шудааст. Ин иқдоми нав, саривақтӣ ва ояндасоз аст, ки Тоҷикистонро ба ҳайси ҷонибдори технологияҳои рақамӣ муаррифӣ менамояд. Илова бар ин Тоҷикистон дар муколамаи байналмилалии зеҳни сунъӣ фаъолона иштирок намуда, баргузории ҳамоишҳои марбут ба ин самтро пуштибонӣ менамояд. Дар даҳсолаи охир иқтисоди Тоҷикистон рушди устуворро таҷриба намуд. Баланд шудани ҳаҷми маҷмуи маҳсулоти дохилӣ, афзоиши даромади аҳолӣ ва коҳиши сатҳи камбизоатӣ далели он аст, ки ислоҳоти иқтисодӣ дар мамлакат самаранок татбиқ мегардад. Дар шароити ҷаҳонишавӣ рушди минбаъда бе гузариш ба иқтисоди «сабз» ғайримкон аст. Натиҷаҳои ин ҳамоиш ба тавсеаи муҳим, ташаббусҳои муштарак, лоиҳаҳои нав, робитаҳои устувори байналмилалӣ ва механизмҳои нави ҳамкорӣ асос мегузоранд. Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода изҳор намуд, ки форум платформаи бисёрзинагии байналмилалӣ мебошад, ки ниҳодҳои давлатӣ, ҷомеаи илмӣ ва академӣ, бахши хусусӣ, созмонҳои байналмилалӣ ва ҷавононро бо мақсади баррасии рӯзномаи рушди устувор, иқтисоди «сабз», гузариши рақамӣ, зеҳни сунъӣ ва инноватсия муттаҳид сохтааст. Баргузории ин форум дар таҳкими нуфузи массисаҳои олӣ, аз ҷумла Донишгоҳи байналмилалии сайёҳӣ ва соҳибкорӣ нақши муҳим мебозад. Дар маросими ифтитоҳи Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» намояндаи доимии Созмони Милали Муттаҳид дар Ҷумҳурии Тоҷикистон Парвати Рамасвами, раиси кумитаи Маҷлиси намояндагон Барно Саидвализода, Вазири рушди иқтисод ва савдои ҷумҳурӣ Абдураҳмон Абдураҳмонзода ва дигар намояндагони кишварҳои хориҷӣ доир ба равандҳои рушди устувор, иқтисоди рақамӣ ва зеҳни сунъӣ дар ҷаҳон ва Тоҷикистон ибрози назар намуданд. Дар доираи Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» саммити ректорон, конфронсҳои байналмилалии илмию амалӣ дар самтҳои гуногун, форуми экологии ҷавонон, форуми соҳибкорӣ, намоишгоҳҳои лоиҳаҳои илмӣ ва инноватсионӣ, ташаббусҳои стартапӣ, олимпиадаю озмунҳо, чорабиниҳои фарҳангӣ-экологӣ, мусобиқаҳои сайёҳии варзишӣ, инчунин чорабиниҳои дигари канорӣ гузаронида мешаванд. Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» ҳамчун платформаи муҳими муколамаи бисёрҷониба хизмат намуда, ба таҳкими ҳамкории илмӣ, иқтисодӣ ва институтсионалӣ байни кишварҳо мусоидат менамояд. Баргузории Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» ба тақвияти ҳамкории устувори байналмилалӣ, таҳияи лоиҳаҳои муштараки илмӣ, таълимӣ ва соҳибкорӣ, рушди ҷавонон ва навовариҳо, инчунин таҳкими нақши Тоҷикистон ҳамчун маркази эътирофгардидаи минтақавӣ ва байналмилалии рушди устувор мусоидат менамояд. Дар маҷмуъ, баргузории чунин форумҳо барои Тоҷикистон чун минбари муколама, воситаи пешбурди дипломатияи рушд, таҳкими эътимоди байналмилалӣ ва муаррифии иқтидори воқеии миллӣ хизмат менамояд.
12
14.04.2026 -
Министр образования и науки Таджикистана принял участие в Международном конгрессе «Центральная Азия – Европейский союз» 13-14 апреля 2026 года в городе Самарканде Республики Узбекистан состоялся Международный конгресс «Центральная Азия – Европейский союз». Об этом НИАТ «Ховар» сообщили в пресс-центре Министерства образования и науки Республики Таджикистан. Министр образования и науки Республики Таджикистан Рахим Саидзода в ходе конгресса высказался о значении укрепления трансграничного сотрудничества в сфере образования и науки. Министр принял участие в пленарном заседании на тему «Интеграция образования и науки как основа устойчивого партнёрства Центральной Азии и Европейского союза», где выступил по приоритетным направлениям международного сотрудничества. Было отмечено, что для развития сферы образования и науки реализуются три ключевые стратегические цели: развитие инженерного и медицинского образования с адаптацией программ к европейским стандартам, привлечение грантов и участие в программах академического обмена, а также укрепление интеграции науки и производства посредством внедрения цифровых и «зелёных» технологий. Министр предложил, что для достижения этих целей необходимо создание совместных образовательных программ, организация обмена преподавателями и студентами, формирование регионального грантового фонда и открытие координационного центра сотрудничества в регионе. Подчёркнуто, что подобные инициативы создадут новые возможности для обучения, стажировок и занятости молодёжи, а также будут способствовать экономическому развитию и укреплению систем здравоохранения и инженерной отрасли государств. Программа конгресса включала ряд ключевых тематических сессий, в том числе панельные дискуссии на уровне министров, научные обсуждения и отраслевые заседания в сферах экономики, технологий и медицины, в ходе которых рассматривались вопросы расширения межвузовского сотрудничества, реализации совместных программ и развития научных исследований. В рамках конгресса Министр образования и науки Республики Таджикистан провёл встречи с рядом зарубежных коллег и представителями высших учебных заведений стран-участниц. Стороны обсудили вопросы укрепления сотрудничества в области академического обмена, реализации совместных программ, привлечения инвестиций в сферу образования и развития совместных научных проектов. Конгресс является важной международной платформой для укрепления научно-образовательного сотрудничества между странами Центральной Азии и Европейского союза. В нём приняли участие профильные министры, руководители высших учебных заведений, представители международных организаций и эксперты.
10
14.04.2026
