15.10.2024
Дар тамоми муассисаҳои соҳаи маорифи Ҷумҳурии Тоҷикистон бо мақсади дар сатҳи баланд гузаронидани давраи тирамоҳу зимистон тадбирҳои зарурӣ андешида мешаванд. Бо ин мақсад ба ҳолати 8 октябри соли 2024 ба миқдори 44 ҳазору 569,7 тонна ангишт, 39 ҳазору 961,7 метри мукааб ҳезум ва 19 ҳазору 609 литр сӯзишвории дизелӣ захира шудааст. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Тибқи талабот ва меёърҳои тасдиқшудаи Вазорати маориф ва илм, нақшаи захираи ангишт, ҳезум, сӯзишвории дизелӣ, маҳсулоти озуқаворӣ барои муассисаҳои таълимӣ таҳия ва тасдиқ шуда, барои иҷро ба шуъбаҳои маорифи ноҳияҳо ва муассисаҳои зертобеъ ирсол гардид. Дар айни замон тибқи талабот дар доираи маблағҳои пешбинигардида захираи маводи сӯхт ва хӯрокворӣ идома дорад.
Аз ҷумла, талаботи муассисаҳои соҳаи маорифи ҷумҳурӣ ба давраи тирамоҳу зимистони солҳои 2024-2025 дар маҷмуъ 56 ҳазору 290 тонна ангишт, 54 ҳазору 176,1 метри мукааб ҳезум ва 116 ҳазору 810 литр сӯзишвории дизелиро ташкил медиҳад. Ба ҳолати 8 октябри соли 2024, ангишт 79 фоиз, ҳезум 74 фоиз ва сӯзишвории дизелӣ 17 фоиз иҷро гардидааст.
Тибқи маълумоти пешниҳоднамудаи шаҳру ноҳияҳои пойтахт ва нақшаи захиранамоии маводи асосии гармидиҳӣ, дар муассисаҳои таҳсилоти миёнаи умумии шаҳри Душанбе захираи ангишт 28 фоиз, ҳезум 109 фоиз ва сӯзишвории дизелӣ 130 фоизро ташкил медиҳад. Дар вилояти Суғд захиранамоии ангишт 100 фоиз, ҳезум 100 фоиз ва сӯзишвории дизелӣ ба 7 фоиз баробар аст.
Ҳамчунин дар шаҳру ноҳияҳои вилояти Хатлон захираи ангишт 86 фоиз, ҳезум 66 фоиз ва сӯзишвории дизелӣ 10 фоизро ташкил медиҳад.
Талаботи муассисаҳои таълимии Вилояти Мухтори Кӯҳистони Бадахшон ба давраи тирамоҳу зимистони солҳои 2024-2025 дар маҷмуъ ба 5450,5 тонна ангишт, 7737,9 метри мукааб ҳезум ва 1790 литр сӯзишвории дизелӣ баробар мебошад. Ба ҳолати 8 октябри соли 2024, 5465,83 тонна ангишт (100 фоиз), 7521,7 метри мукааб ҳезум (97 фоиз) ва 700 литр сӯзишвории дизелӣ (39 фоиз) захира карда шудааст.
Инчунин дар шаҳру ноҳияҳои тобеи марказ захираи ангишт 64,3 фоиз, ҳезум 54,5 фоиз ва сӯзишвории дизелӣ 23,5 фоизро ташкил медиҳад.
Ҳамзамон дар муассисаҳои соҳаи маорифи ҷумҳурӣ 1591 дегхонаи хурду бузург, 23 ҳазору 648 гармкунаки барқӣ ва 47 ҳазору 834 печи аловӣ барои гузаронидани мавсими тирамоҳу зимистони солҳои 2024-2025 омода гардидаанд.
Барои гузаронидани мавсими тирамоҳу зимистони солҳои 2024-2025 дар маҷмуъ 25 ҳазору 548,6 метри мураббаъ шишабандии дару тирезаҳо ба нақша гирифта шуда, ба ҳолати 8 октябри соли 2024 дар 15 046 метри мураббаъ ё 58,9 фоиз шишабандӣ иҷро гардидааст.
Вазорати маориф ва илми Ҷумҳурии Тоҷикистон бо мақсади иҷрои қарори Ҳукумати Ҷумҳурии Тоҷикистон аз 28 марти соли 2024 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» дар шаҳру ноҳияҳои мамлакат гурӯҳи корӣ таъсис намуда, ҷараёни омодагиҳои шуъбаҳои маорифи мамлакатро зери назорат қарор медиҳад.
Хабарҳои дигар
-
ЗИМИСТОНГУЗАРОНӢ. Оё муассисаҳои маорифи шаҳри Душанбе ба давраи тирамоҳу зимистон омодаанд? Дар муассисаҳои соҳаи маорифи шаҳри Душанбе ҷиҳати иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2025-2026» чӣ гуна тадбир андешида мешавад? Дар ин хусус ба АМИТ «Ховар» аз Сарраёсати маорифи шаҳри Душанбе посух доданд. Аз мавсими гузашта дар анбори муассисаҳои таълимӣ 166,7 тонна ангишт, 398,9 метри мураббаъ ҳезум ва 3516 литр сӯзишворӣ боқӣ монда, барои истифода дар мавсими нав дар анбори муассисаҳои таълимӣ нигоҳ дода шуд. Дар ин давра 104 тонна ангишт, 74 метри мураббаъ ҳезум ва 609 литр сӯзишворӣ харид ва захира карда шудааст. Бояд гуфт, ки соли 2025 аз ҳисоби буҷети шаҳри Душанбе ва ноҳияҳои он барои таъмиру тармими муассисаҳои таълимии буҷетӣ дар шаш моҳи аввали соли 2025 ба маблағи 61 миллиону 566 ҳазору 828 сомонӣ корҳои омодагӣ ва таъмири ҷории иншооти соҳа ба анҷом расонида шуда, ин иқдом идома дорад. Аз ҷумла, дар ноҳияи Шоҳмансур ба маблағи 21 миллиону 895 ҳазору 34 сомонӣ, ноҳияи Исмоили Сомонӣ ба маблағи 10 миллиону 734 ҳазору 87 сомонӣ, ноҳияи Сино ба маблағи 9 миллиону 34 ҳазору 536 сомонӣ, ноҳияи Фирдавсӣ ба маблағи 9 миллиону 676 ҳазору 939 сомонӣ ва дар муассисаҳои зертобеъ ба маблағи 10 миллиону 166 ҳазору 232 сомонӣ таъмиру тармими бино ва иншооти муассисаҳои таълимиро ба анҷом расонидаанд. Дар айни замон дар пойтахт 53 муассисаи таълимӣ, новобаста аз шакли ҳуқуқию ташкилӣ бо 61 дегхона- аз ин 30 адад ангиштӣ ва 31 адад барқӣ таъмин буда, дар ҳолати корӣ қарор доранд. Барои фаъолияти ин дегхонаҳо соли 2025 маблағ барои нигоҳдорӣ, хароҷоти неруи барқ ва маводи сӯзишворӣ пешбинӣ карда шудааст. Ба ҳолати имрӯза 490,5, тонна ангишт, 706,9 метри мураббаъ ҳезум ва 5255 литр сӯзишвории дизелӣ дар анбори муассисаҳои таълимӣ мавҷуд буда, хариди минбаъда идома дорад. Инчунин барои омода намудани системаи гармидиҳии муассисаҳои таълимӣ ба давраи тирамоҳу зимистони солҳои 2025-2026 ҳамкорӣ бо сохторҳои марбута оғоз шуд. То охири моҳи сентябри соли 2025 тамоми системаи дохилии (элеватори) иншооти соҳа аз санҷиши техникию гидравликӣ гузаронида шуда, бо шиносномаи пайвастшавӣ таъмин карда хоҳанд шуд. Шумораи иншооти ба шабакаҳои гармидиҳандаи шаҳри Душанбе пайвастшаванда бо Муассисаи «Шабакаи гармидиҳандаи шаҳри Душанбе» мувофиқа карда шуда, тамоми иншооти соҳа аз санҷиши гидравликӣ -техникӣ гузаронида, ба хати асосии гармидиҳӣ пайваст карда мешаванд. Мавсими имсола бе назардошти иншооти иловагӣ 211 иншоотро ташкил медиҳад, ки нисбат ба мавсими гузашта 5 адад зиёд аст. Бо назардошти иншооти нав, ки дар оғози соли нави таҳсили 2025-2026 ба истифода додани он ба нақша гирифта шудааст, шумораи муассисаҳои ба шабакаҳои гармидиҳӣ ва дегхонаҳо пайвастшаванда тағйир меёбад. Вобаста ба ин дар маълумоти оянда ҳисобот пешниҳод карда мешавад. Тибқи нақшаи пайвастшавӣ, дар мавсими имсола 98 иншооти муассисаи томактабӣ, 107 иншооти муассисаи таълимӣ ва 6 иншоот, аз қабили биноҳои марказҳои таҳсилоти иловагӣ, шуъбаҳои маориф ва хобгоҳ барои қабули неруи гармӣ пешбинӣ шудаанд. Иттилоъ дода шуд, ки бо мақсади сарфаи энергияи барқ муассисаҳои таълимии пойтахт бо ҳисобкунакҳои барқӣ таъмин буда, инчунин синфхона, роҳрав, гурӯҳҳо, утоқҳои корӣ ва дигар биноҳои ёрирасон бо лампаҳои каммасраф таъмин карда мешаванд. Масъалаи истифодаи мақсадноку самараноки неруи барқ таҳти назорати доимии мақомоти дахлдор, роҳбарону муассисаҳои таълимӣ ва ситод қарор дорад. Ҳамзамон барқияи ҳукуматӣ аз 28 апрели соли 2025 барои пешгирии талафот ва дуздии неруи барқ таҳти назорати мақоми ваколатдори соҳа ва масъулини мақомоти иҷроияи ҳокимияти маҳаллӣ қарор дорад. Дар ноҳияҳои пойтахт гурӯҳҳои корӣ ташкил карда шуда, фаъолияти муассисаҳои таълимиро назорат мекунанд. Тибқи талабот ва меъёрҳои муқарраргардида, нақшаи таъмин намудани муассисаҳои соҳаи маорифи пойтахт бо ангишту ҳезум, сӯзишвории дизелӣ ва маводи хӯрокворӣ таҳти назорат қарор дода шуда, иҷрои он таъмин карда мешавад.
9
25.09.2025 -
Суҳайло Ҷавадова: «Баъди хатми Донишгоҳи Фридрих Шиллер дониш ва таҷрибаамро дар Тоҷикистон самаранок амалӣ менамоям». Имсол Маркази барномаҳои байналмилалӣ тавассути созишномаҳои байниҳукуматӣ зиёда аз 1000 нафар донишҷӯёнро барои таҳсил ба мактабҳои олии давлатҳои хориҷӣ фиристод. Дар ин хусус ба АМИТ «Ховар» аз Маркази барномаҳои байналмилалӣ иттилоъ доданд. Маркази барномаҳои байналмилалӣ бо беш аз 40 давлат ва зиёда аз 500 мактаби олии мамлакатҳои пешрафтаи дунё ҳамкорӣ ба роҳ мондааст. Дар асоси сиёсати хориҷии Ҳукумати Ҷумҳурии Тоҷикистон ва созишномаҳои байниҳукуматӣ барои таҳсили шаҳрвандони Тоҷикистон бурсияҳо ё грантҳои таҳсилӣ ҷудо карда мешаванд. Инчунин бо ташаббуси Пешвои миллат Стипендияи байналмилалии Президенти Ҷумҳурии Тоҷикистон «Дурахшандагон» таъсис дода шудааст, ки тавассути он танҳо шаҳрвандони Ҷумҳурии Тоҷикистон ҳуқуқи таҳсил дар хориҷи мамлакатро ба даст меоранд. Гирандаи Стипендияи байналмилалии Президенти Ҷумҳурии Тоҷикистон «Дурахшандагон» Суҳайло Ҷавадова дар суҳбат бо хабарнигори АМИТ «Ховар» иброз намуд, ки “тавассути ин стипендия имсол донишҷӯйи соли аввали Донишгоҳи Фридрих Шиллер (Universität Friedrich Schiller)-и Олмон гардида, дар ихтисоси кори тиббӣ таҳсил дорам. Соли 2024 пеш аз таҳсил дар шаҳри Йенаи Ҷумҳурии Федералии Олмон дар даври забономӯзӣ таҳсил намудам. Дар ин донишгоҳ зиёда аз 18 ҳазор донишҷӯ таҳсил менамоянд. Дар ин муассиса барои таҳсил ва гузаронидани корҳои илмӣ тамоми имконият муҳайё карда шудааст”. Суҳайло Ҷавадова мегӯяд, ки «озмун барои ба даст овардани Стипендияи байналмилалии Президенти Ҷумҳурии Тоҷикистон «Дурахшандагон» дар ду давр баргузор гардид. Дар даври аввал аз рӯйи ихтисос дар Маркази миллии тестии назди Президенти Ҷумҳурии Тоҷикистон имтиҳони тестӣ супоридам. Даври дуюм ба тариқи суҳбат гузаронида шуд. Яъне, аз ҷониби комиссияи ҷумҳуриявӣ суҳбати озод доир шуд, ки сатҳи забондонӣ, мақсади интихоби касб ва нақшаҳои ояндаро пурсиданд». -Ман боварӣ надоштам, ки сазовори ин Стипендияи байналмилалӣ мегардам. Тавассути ин стипендия маблағи хобгоҳ, суғуртаи тиббӣ, роҳкиро давоми сол (рафту баргашт), идрорпулӣ таъмин карда мешавад. Маблағи он соли 2024 500 доллари амрикоӣ буд ва имсол 600 доллари амрикоӣ муайян карда шудааст. Донишҷӯ ҳамчунин давоми соли таҳсил аз ҷониби кормандони Маркази барномаҳои байналмилалӣ мунтазам зери назорат қарор дода мешавад,- мегӯяд Суҳайло Ҷавадова. Ҳамсуҳбати мо иброз намуд, ки “дар донишгоҳе, ки ман дар айни замон таҳсил дорам, таълим аз рӯи низоми ҷаҳонии пешрафта ба роҳ монда шудааст. Дар инҷо ҳама шароити зарурӣ барои таҳсил фароҳам оварда шудааст. Таҳсил дар хориҷа ба донишҷӯён имконият медиҳад, ки дар донишгоҳҳои бонуфузи ҷаҳонӣ таҳсил кунанд ва донандаи хуби забонҳои хориҷӣ гарданд. Инчунин давоми таҳсил семинарҳои илмии байналмилалӣ баргузор мегарданд ва ман талош дорам, ки дар онҳо иштирок намуда, донишу малакаи худро боз ҳам тавсеа диҳам. Хобгоҳи донишгоҳ бо таҷҳизоти замонавӣ ҷиҳозонида шуда, дар он шароити хуби зиндагӣ фароҳам оварда шудааст. Ба ҳамаи донишҷӯён таҳсил дар хориҷи мамлакатро тавсия медиҳам, то чунин имконияти хубро аз даст надиҳанд”. Ёдовар мешавем, ки аз яке аз шартҳои Стипендияи байналмилалии Президенти Ҷумҳурии Тоҷикистон «Дурахшандагон» он аст, ки донишҷӯ баъд аз хатми донишгоҳи хориҷӣ бояд ба мамлакат баргашта, ба таври ҳатмӣ 5 сол фаъолият намояд. Суҳайло Ҷавадова иброз намуд, ки баъди хатми ин донишгоҳ нақша дорад, ки дониш ва таҷрибаи омӯхтаашро дар Тоҷикистон ба таври самаранок амалӣ намояд. Стипендияи байналмилалии Президенти Ҷумҳурии Тоҷикистон «Дурахшандагон» беҳтарин имконияти таҳсил дар хориҷи мамлакат мебошад. Фирӯза ДАВЛАТЗОДА, АМИТ «Ховар»
9
25.09.2025 -
Даври ниҳоии Озмуни ҷумҳуриявии «Омӯзгори сол-2025» оғоз гардид Имрӯз дар Донишкадаи ҷумҳуриявии такмили ихтисос ва бозомӯзии кормандони соҳаи маориф Озмуни ҷумҳуриявии «Омӯзгори сол-2025» оғоз ёфт. Дар он 5 нафар аз Вилояти Мухтори Кӯҳистони Бадахшон, вилоятҳои Суғду Хатлон, шаҳру ноҳияҳои тобеи ҷумҳурӣ ва шаҳри Душанбе иштирок намуда, аз рӯйи ҳафт шарт ҳунару маҳорат месанҷанд. Зимни ифтитоҳи озмун Вазири маориф ва илм иброз намуд, ки Вазорати маориф ва илм барои ҳарчи бештар ҷалб намудани омӯзгорон ба эҷодкорӣ, навоварӣ, тарғиби таҷрибаи пешқадами омӯзгорони беҳтарин ва баланд бардоштани мақому манзалати онҳо дар ҷомеа чорабинӣ ва озмунҳо доир менамояд. Инчунин дар Тоҷикистон солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон гардидаанд. Озмун бо мақсади беҳтар ба роҳ мондани фаъолияти эҷодии омӯзгорон, такмил додани раванди таҳсил, дарёфт ва ҳавасмандгардонии омӯзгорони эҷодкор, рушди касбии омӯзгорон, дастгирӣ ва амалӣ намудани технологияҳои нав дар раванди омӯзиш, муайян намудани самтҳои афзалиятноки таҳсил дар соҳа, инчунин дарёфти кадрҳои боистеъдод ва ба вуҷуд овардани махзани кадрӣ гузаронида мешавад. Аз тарафи Вазорати маориф ва илм барои дар сатҳи баланд ва шаффоф доир намудани он тадбирҳои зарурӣ андешида мешаванд.
11
23.09.2025
