14.10.2025
14 октябри соли 2025 дар Вазорати маориф ва илми Ҷумҳурии Тоҷикистон вохӯрии муовинони вазири маориф ва илм Равшан Каримзода ва Бадриддин Музаффарзода бо ҳайати гурӯҳи кории Бонки Ҷаҳонӣ баргузор гардид, ки зимни он масъалаҳои вобаста ба густариши ҳамкориҳои дуҷониба дар самти рушди соҳаи маориф ва илм мавриди баррасӣ қарор гирифтанд.
Дар оғози вохӯрӣ, муовини вазири маориф ва илм Равшан Каримзода бо ибрози пазироии самимӣ, ташрифи ҳайати Бонки Ҷаҳониро ба вазорат хайрамақдам гуфта, изҳор намуд, ки ин мулоқот барои тавсеаи бештари ҳамкориҳои дуҷониба такони ҷиддӣ хоҳад бахшид.
Таъкид шуд, ки Бонки Ҷаҳонӣ аз соли 1993 то инҷониб ҳамчун яке аз шарикони стратегии Ҷумҳурии Тоҷикистон дар татбиқи лоиҳаҳои муҳим, хусусан дар бахшҳои маориф ва илм, саҳми назаррас дорад. Дар давоми ҳамкорӣ, Бонки Ҷаҳонӣ ба зиёда аз 120 лоиҳа маблағгузорӣ намудааст.
Дар навбати худ, намояндаи ҳайати гурӯҳи кории Бонки Ҷаҳонӣ миннатдории худро барои пазироии гарму самимӣ изҳор намуда, таъкид дошт, ки ҳамкории мунтазам миёни Вазорати маориф ва илми Ҷумҳурии Тоҷикистон ва Бонки Ҷаҳонӣ заминаи устувори рушду тавсеаи соҳаи маориф ва илм хоҳад гашт.
Гуфта шуд, ки Бонки Ҷаҳонӣ омода аст, минбаъд низ барои амалӣ намудани лоиҳаҳои муҳим ва дастгирии ташаббусҳои нави вазорат саҳми фаъол гузошта, дар самти баланд бардоштани сифати таҳсилот ва дастрасии васеи хонандагон ва донишҷӯён ҳамкории мутақобилан судмандро ба роҳ монад.
Бо ишора ба саҳми арзандаи Бонки Ҷаҳонӣ дар рушди соҳаи маориф, қайд гардид, ки айни замон дар Ҷумҳурии Тоҷикистон ду лоиҳаи бузург аз ҷониби ин созмон амалӣ гардида истодааст, ки ҳадафи асосии онҳо беҳтарсозии сифати таълим, рушди инфрасохтори таълимӣ ва баланд бардоштани дастрасии хонандагон ба таҳсилоти босифат мебошад.
Дар идома, муовини вазири маориф ва илм Бадриддин Музафарзода зикр намуд, ки Ҷумҳурии Тоҷикистон дар ҳамкорӣ бо шарикони рушд, аз ҷумла, Бонки Ҷаҳонӣ ва Бонки Осиёии Рушд, тадбирҳои судмандро ҷиҳати баланд бардоштани сатҳу сифати таълим, бахусус, дар самтҳои илмҳои дақиқ, технологӣ, муҳандисӣ ва математика (STEM), татбиқ намуда, тавассути сохтмони муассисаҳои таълимии муҷаҳҳаз ва таҳкими иқтидори омӯзгорӣ, барои ташаккули сармояи инсонӣ заминаи устувор фароҳам оварда истодааст.
Вохӯрӣ дар фазои созанда ва мутақобилан судманд сурат гирифта, ҷонибҳо омодагии худро барои таҳкими равобити дуҷониба таъкид намуданд.
Маркази матбуоти
Вазорати маориф ва илми
Ҷумҳурии Тоҷикистон
Хабарҳои дигар
-
Иштирок дар Форуми байналмилалии сармоягузории “Душанбе Инвест - 2025” 14 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Кохи Ваҳдати пойтахт дар Форуми байналмилалии сармоягузории “Душанбе Инвест - 2025” иштирок ва суханронӣ намуданд. Президенти кишвар муҳтарам Эмомалӣ Раҳмон нахуст иштирокдорони форумро ба Тоҷикистон хайрамақдам гуфтанд. Таъкид гардид, ки ҳадафҳои асосии ҳамоиш ин муаррифии захира ва имкониятҳои фарохи Тоҷикистон барои сармоягузорӣ, омодагии кишвар ба ҳамкорӣ ва фановариву ғояҳои нав, инчунин тасмими Ҳукумати кишвар ба идомаи ислоҳоту дигаргуниҳое, ки шароити мусоидро барои рушди устувор ва ташаккули шарикии дарозмуддат фароҳам меоранд, ба ҳисоб меравад. Сарвари давлат муҳтарам Эмомалӣ Раҳмон таъкид доштанд, ки Форуми Душанбе сармоягузориҳои “сабз”-ро, ки рушди устувори иқтисодиро бо дарназардошти адолати иҷтимоӣ ва истифодаи сарфакоронаи захираҳои табиӣ таъмин менамояд, дар маркази таваҷҷуҳ қарор додааст. Гуфта шуд, ки маҳз ба ҳамин хотир, Форум зери унвони “Сармоягузориҳои сабз: имкониятҳои имрӯза барои устувории фардо” баргузор карда мешавад. Роҳбари давлат муҳтарам Эмомалӣ Раҳмон изҳор доштанд, ки Форум барои таҳияи қарорҳои амалӣ, таҳкими эътимоди тарафайн, кушодани иқтидори сармоягузории минтақа дар асоси принсипҳои устуворӣ ва манфиати мутақобила заминаи муҳим фароҳам меорад. Аз ҷумла, гуфта шуд, ки ҷойгиршавии стратегии Тоҷикистон дар маркази Авруосиё ба мо имкон медиҳад, ки ҳамчун пайвандгари минтақаҳо ва қитъаҳо баромад карда, долонҳои нави нақлиётӣ, энергетикӣ ва логистикӣ, ки бозорҳо ва мардумони гуногунро муттаҳид мекунанд, таъсис диҳем. Сарвари давлат муҳтарам Эмомалӣ Раҳмон таъкид доштанд, ки “Тоҷикистони муосир кишвари дорои иқтисодиёти босуръат тараққиёбанда, рушди боэътимоди муносибатҳои байналмилалӣ ва фазои боз ҳам мусоиди сармоягузорӣ мебошад”. Зикр карда шуд, ки таи солҳои охир кишвари мо ислоҳоти фарогир ба таҳкими уствории макроиқтисодӣ, рушди бахши хусусӣ, дастгирии соҳибкорӣ, рақамикунонӣ ва татбиқи қарорҳои инноватсионӣ нигаронидаро амалӣ менамояд. Муҳтарам Эмомалӣ Раҳмон иқтидори бузурги гидроэнергетикии Тоҷикистон, захираҳои ғании маъдан ва сарватҳои муҳими стратегӣ, сармояи инсонии ҷавон ва пурнеруро аз афзалиятҳои рақобатпазири кишвари мо номиданд. Оид ба зарурати таваҷҷуҳ ба рушди иқтисоди сабз ва қабули Стратегияи рушди иқтисоди сабз дар Ҷумҳурии Тоҷикистон барои давраи то соли 2037 низ андешаронӣ сурат гирифт. Бо ба назар гирифтани имконияту иқтидорҳои соҳаи энергетика ба ширкатҳои манфиатдор лоиҳаҳои ояндадори ин бахш барои сармоягузорӣ пешниҳод карда шуд. Ҳамчунин, аз сармоягузороне, ки дар самти истеҳсоли технологияҳои муосир, батареяҳо, истифодаи манбаъҳои барқароршавандаи энергия фаъолият мекунанд, барои саҳм гузоштан дар амалисозии лоиҳаҳои бузургмиқёси ин соҳаҳо истиқбол карда шуд. Сарвари давлат муҳтарам Эмомалӣ Раҳмон ба самъи иштирокдорони форум имкониятҳои дигари сармоягузории кишвар, аз ҷумла саноати сабук ва хӯрокворӣ, кимиё ва дорусозӣ, истеҳсоли масолеҳи сохтмонӣ, комплекси агросаноатӣ ва соҳаи сайёҳиро муаррифӣ намуданд. “Ҳукумати Тоҷикистон барои ташкили фазои мусоиди соҳибкорӣ пайваста чораҷӯйӣ менамояд. Имрӯз мо ба сармоягузорон зиёда аз 240 кафолат ва имтиёзҳои гуногун пешниҳод менамоем, ки зиёда аз 110-тои онҳо имтиёзҳои андозӣ ва гумрукӣ мебошанд”, изҳор доштанд Президенти кишвар муҳтарам Эмомалӣ Раҳмон. Муҳтарам Эмомалӣ Раҳмон ҳамзамон панҷ минтақаи озоди иқтисодии Тоҷикистонро барои фаъолияти тиҷоратии соҳибкорон ва сармоягузорон созгор номиданд. Президенти кишвар муҳтарам Эмомалӣ Раҳмон таъкид намуданд, ки ҳадафи стратегии мо табдил додани Тоҷикистон ба макони боэътимоди сармоягузории дарозмуддат мебошад, ки ба ҳамкорӣ баҳри рушди устувор ва ҳамгироӣ ба иқтисоди ҷаҳонӣ нигаронида шудааст. 14 октябр дар Тоҷикистон Рӯзи соҳибкорон таҷлил мегардад. Бо истифода аз фурсат, Сарвари давлат муҳтарам Эмомалӣ Раҳмон ҳамаи соҳибкоронро ба ин муносибат самимона табрик гуфта, ба онҳо саломатӣ ва барору муваффақиятҳо орзу намуданд. Дар фарҷоми сухан Роҳбари давлат изҳори итминон намуданд, ки Форум ба оғози ташаббусҳои нави судманд замина гузошта, ҳамкориро таҳким мебахшад ва барои мардумони кишварҳо ва тараққиёти ҷаҳон натиҷаҳои намоён медиҳад. Баъди суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маросими ифтитоҳии Форуми байналмилалии сармоягузории “Душанбе Инвест - 2025”, ҳамчунин, Султон Раҳимзода - Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Арипов Абдулло - Сарвазири Ҷумҳурии Узбекистон, Скляр Роман - муовини якуми Сарвазири Ҷумҳурии Қазоқистон, Тунку Алӣ Ризауддин ибни Туанку Муҳриз - Валиаҳди Шоҳигарии Нигери-Сембилан, Малайзия, Татяна Молчан - Муовини котиби генералӣ, котиби иҷроияи Комиссияи иқтисодии Созмони Милали Муттаҳид дар Аврупо, Сайид Али Маданизаде - Вазири иқтисод ва молияи Ҷумҳурии Исломии Эрон ва Холид бин Абдулазиз Ал-Фолеҳ - Вазири сармоягузории Подшоҳии Арабистони Саудӣ суханронӣ намуданд.
48
14.10.2025 -
Мулоқот бо Вазири сармоягузории Подшоҳии Арабистони Саудӣ Холид Ал-Фолеҳ 14 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҳошияи Форуми сармоягузории “Душанбе Инвест - 2025” Вазири сармоягузории Подшоҳии Арабистони Саудӣ Холид Ал-Фолеҳро ба ҳузур пазируфтанд. Дар вохӯрӣ раванди рушди ҳамкории ду кишвар баррасӣ шуд. Аз фаъолияти Фонди саудии рушд дар Тоҷикистон изҳори қаноат карда шуд. Ҷонибҳо барои рушди робитаҳои ҳамкории иқтисодӣ, тиҷоратию сармоягузорӣ ва татбиқи лоиҳаҳо дар соҳаҳои энергетика ва кишоварзӣ алоқамандии худро иброз доштанд. Ба ҷоннок кардани фаъолияти василаҳои дуҷонибаи густариши ҳамкорӣ таваҷҷуҳи зиёд зоҳир гардид. Ҷалби сармояи саудӣ барои амалисозии лоиҳаҳои соҳаҳои саноати сабук, нассоҷӣ, дорусозӣ, истеҳсоли масолеҳи сохтмон, коркарди маъданҳо ва энергетика зарур шумурда шуд. Роҳандозии хатсайри ҳавоӣ дар масири Душанбе-Ҷидда-Душанбе намунаи хуби ҳамкории кишварҳо номида шуд. Табодули андеша, ҳамчунин, доир ба дигар мавзӯъҳои мавриди таваҷҷуҳи ду ҷониб сурат гирифт.
50
14.10.2025 -
БО ҲАМ БА ЗИДДИ КОРРУПСИЯ! Имрӯз, 14-уми октябри соли 2025, дар Муассисаи давлатии «Маркази ҷумҳуриявии дарёфт ва рушди истеъдодҳо» бо ҳадафи татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», хониши идоравӣ баргузор гардид. Чорабиниро Нурулло Ғафуриён – муовини якуми директори Маркази ҷумҳуриявии дарёфт ва рушди истеъдодҳо ифтитоҳ намуда, таъкид кард, ки рушди маърифати ҳуқуқӣ ва баланд бардоштани сатҳи донишҳои қонунии кормандон, яке аз воситаҳои асосии пешгирӣ аз амалҳои коррупсионӣ ба ҳисоб меравад. Сипас, Нозири калони Раёсати муқовимат ба коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, лейтенанти калони адлия Абдуллозода Одил Толиб дар мавзӯи «Баланд бардоштани маърифати ҳуқуқӣ ҳамчун воситаи муқовимат ба коррупсия» суханронӣ намуд. Дар фарҷоми чорабинӣ, бо назардошти саҳми назаррас дар баланд бардоштани сатҳи огоҳии ҳуқуқии кормандон ва ҳамкории судманд, лейтенанти калони адлия Абдуллозода Одил Толиб бо Сипосномаи Маркази ҷумҳуриявии дарёфт ва рушди истеъдодҳо қадрдонӣ шуд.
5
14.10.2025
