06.04.2026
6 апрели соли 2026 дар Китобхонаи миллии Тоҷикистон маросими расмии ифтитоҳи сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон – 2026 баргузор гардид.
Дар чорабинии мазкур муовини Сарвазири Ҷумҳурии Тоҷикистон Дилрабо Мансурӣ, вазири маориф ва илми Ҷумҳурии Тоҷикистон Раҳим Саидзода, намояндагони корпуси дипломатӣ, роҳбарону намояндагони муассисаҳои таҳсилоти олии касбии хориҷ ва дохили кишвар, шарикони рушд, инчунин меҳмонон ва иштирокчиёни фестивал аз кишварҳои гуногуни ҷаҳон иштирок намуданд.
Фестивал - намоишгоҳ бо сухани ифтитоҳии муовини Сарвазири Ҷумҳурии Тоҷикистон оғоз гардида, мавсуф иштирокчиёнро ба Тоҷикистони соҳибистиқлол хайрамақдам гуфта, баргузории чунин чорабинии байналмилалиро нишонаи рушди ҳамкориҳои гуногунҷанба дар соҳаи маориф ва илм арзёбӣ намуд.
Зикр гардид, ки фестивали мазкур дар як муддати кӯтоҳ ба як формати беназири байналмилалии муколама табдил ёфта, барои ташаккули модели нави рушди таҳсилот, густариши ҳамкориҳои илмӣ ва табодули таҷрибаи пешқадам мусоидат менамояд.
Муовини Сарвазир ҳамчунин таъкид намуд, ки дар шароити ҷаҳонишавии босуръат ва таҳдидҳои муосир, рушди ҳамгироии илму маориф, технология ва инноватсия аҳаммияти калидӣ дошта, маҳз тавассути чунин платформаҳо метавон заминаи рушди устувори ҷомеа ва иқтисодиётро таъмин кард.
Дар идома вазири маориф ва илми Ҷумҳурии Тоҷикистон суханронӣ намуда, ҳамаи иштирокчиёнро ба Ҷумҳурии Тоҷикистон хайрамақдам гуфта, саҳми онҳоро дар рушди ҳамкориҳои байналмилалӣ баланд арзёбӣ кард.
Вазири маориф ва илм иброз дошт, ки сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи маориф ва илмро ҳамчун самти афзалиятноки сиёсати давлатӣ муайян намуда, барои рушди босифати таҳсилот ва омодасозии мутахассисони рақобатпазир заминаи мусоид фароҳам овардааст.
Таъкид гардид, ки фестивал ҳамчун майдони муаррифии имкониятҳои таҳсил, барқарорсозии робитаҳои мустақим байни донишгоҳҳо ва рушди ҳамкориҳои илмӣ ва инноватсионӣ хизмат намуда, барои татбиқи барномаҳои муштарак, аз ҷумла, дипломҳои дугона, таъсиси факултетҳои муштарак ва роҳандозии лоиҳаҳои илмӣ имкониятҳои васеъ фароҳам меорад.
Ҳамзамон, иброз гардид, ки сифати низоми таҳсилот ва эътирофи байналмилалии он яке аз омилҳои асосии муаррифии давлат дар арсаи ҷаҳонӣ буда, мутахассисони соҳибкасб кафили рушди устувори ҷомеа ба ҳисоб мераванд.
Дар маросими ифтитоҳ ҳамчунин намояндагони корпуси дипломатӣ ва муассисаҳои таҳсилоти олӣ суханронӣ намуда, аҳаммияти баргузории фестивалро дар таҳкими ҳамкориҳои байналмилалӣ ва рушди фазои ягонаи таҳсилоти олӣ муҳим арзёбӣ карданд.
Баъди анҷоми қисми расмӣ, иштирокчиён аз намоишгоҳи донишгоҳҳои хориҷӣ дар Маркази «ЭКСПО-Душанбе» боздид намуда, бо имкониятҳои таҳсил, барномаҳои таълимӣ ва пешниҳодҳои стипендиявии муассисаҳои таҳсилоти олӣ аз кишварҳои гуногун шинос гардиданд.
Ёдовар мешавем, ки сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон - 2026 аз 6 то 10 апрел дар шаҳрҳои Душанбе, Хуҷанд ва ноҳияи Данғара баргузор гардида, ба рушди ҳамкориҳои байналмилалӣ, ҷалби ҷавонон ба таҳсилоти босифат ва таҳкими робитаҳои илмӣ мусоидат менамояд.
Хабарҳои дигар
-
ҶАЛАСАИ НАВБАТИИ ҲАЙАТИ МУШОВАРАИ ВАЗОРАТИ МАОРИФ ВА ИЛМ БАРГУЗОР ГАРДИД 29 апрели соли 2026 дар Вазорати маориф ва илми Ҷумҳурии Тоҷикистон таҳти раёсати вазири маориф ва илм Раҳим Саидзода ҷаласаи навбатии ҳайати мушовара баргузор гардид. Дар кори ҷаласа аъзои ҳайати мушовара, муовинони вазири маориф ва илм, сардорони раёсату шуъбаҳои дастгоҳи марказӣ, роҳбарони муассисаҳои тобеи вазорат, роҳбарони як қатор муассисаҳои таҳсилоти олии касбӣ, сардорони сарраёсат, раёсат ва мудирони шуъбаҳои маорифи вилоятҳо ва шаҳру ноҳияҳои кишвар ба таври ҳузурӣ ва маҷозӣ иштирок намуданд. Раиси ҷаласа нахуст ҳозиринро бо рӯзномаи ҷаласа шинос намуда, аҳаммияти масъалаҳои баррасишавандаро таъкид кард. Дар ҷаласа масъалаи рафти иҷрои фармони Президенти Ҷумҳурии Тоҷикистон аз 22 июни соли 2023, №586 «Дар бораи тадбирҳои вусъат додани ҳисоббароркуниҳои ғайринақдӣ» мавриди баррасӣ қарор гирифт. Доир ба ин масъала сардори раёсати иқтисод ва банақшагирӣ дар соҳаи маориф ва илм А. Хоҷазода гузориш пешниҳод намуда, оид ба тадбирҳои андешидашуда, натиҷаҳои бадастомада ва вазифаҳои минбаъда маълумот дод. Таъкид гардид, ки густариши ҳисоббароркуниҳои ғайринақдӣ дар муассисаҳои соҳа яке аз омилҳои муҳимми таъмини шаффофият ва самаранокии фаъолияти молиявӣ ба ҳисоб меравад. Сипас, масъалаи китоби дарсии «Технологияи иттилоотӣ» барои хонандагони синфи 11-уми муассисаҳои таҳсилоти умумӣ баррасӣ гардид. Дар ин замина директори Маркази таҳия, нашр ва муомилоти китобҳои дарсӣ, илмию методӣ У. Ҳасанзода оид ба раванди таҳия, мутобиқати мазмун ба талаботи стандартҳои давлатӣ ва аҳаммияти он дар баланд бардоштани савияи донишҳои рақамии хонандагон гузориш дод. Ҳамзамон, дар ҷаласа масъалаи ворид намудани тағйирот ба «Тартиби гузаронидани олимпиадаҳои фаннӣ барои хонандагони муассисаҳои таҳсилоти умумӣ» мавриди муҳокима қарор гирифт. Сардори раёсати таҳсилоти миёнаи умумӣ Ш. Асомиддинзода доир ба такмили механизми баргузории олимпиадаҳо, таъмини шаффофият ва фарогирии бештари хонандагон маълумот пешниҳод намуд. Бо дарназардошти пешниҳоду мулоҳизаҳои иштирокчиён аз рӯйи масъалаҳои баррасишуда қарорҳои дахлдор қабул гардиданд. Дар фарҷоми ҷаласа вазири маориф ва илм ба масъулин ҷиҳати андешидани тадбирҳои зарурӣ барои дар сатҳи баланд истиқбол гирифтани ҷашни 35-солагии Истиқлолияти давлатии Ҷумҳурии Тоҷикистон, иҷрои саривақтӣ ва босифати қарорҳои қабулшуда, таъмини иҷрои талаботи фармони мазкур, такмили мазмуну муҳтавои китобҳои дарсӣ, беҳтар намудани сифати таълиму тарбия, тозаву озода нигоҳ доштани муҳити муассисаҳои таълимӣ , инчунин рушди низоми дарёфт, тарбия ва дастгирии хонандагони болаёқат ва соҳибистеъдод дастуру супоришҳои мушаххас дод. Маркази матбуоти Вазорати маориф ва илми Ҷумҳурии Тоҷикистон
9
29.04.2026 -
ПЕШБУРДИ ҲАЛЛИ УСТУВОРИ ЭНЕРГЕТИКӢ ВА ТАҲКИМИ МЕЪЁРҲОИ СОХТМОНӢ ДАР МУАССИСАҲОИ ТАЪЛИМӢ 28 апрели соли 2026 дар дафтари Лоиҳаи «Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика»-и Вазорати маориф ва илми Ҷумҳурии Тоҷикистон семинари иттилоотӣ барои шарикони рушди лоиҳаи мазкур, ки бо маблағгузории Бонки Осиёии Рушд амалӣ мегардад, баргузор шуд. Семинар таҳти унвони «Пешбурди ҳалли устувори энергетикӣ ва таҳкими меъёрҳои сохтмонӣ барои муассисаҳои таҳсилоти миёнаи умумии Ҷумҳурии Тоҷикистон» баргузор шуда, дар кори он намояндагони вазорату идораҳои дахлдор, шарикони рушд, инчунин мутахассисони соҳаҳои сохтмон ва энергетика иштирок намуданд. Дар қисми ифтитоҳӣ вазири маориф ва илми Ҷумҳурии Тоҷикистон Раҳим Саидзода, муовинони вазир, намояндагони Бонки Осиёии Рушд ва шарикони байналмилалӣ, аз ҷумла, Бонки Ҷаҳонӣ, ЮНИСЕФ ва ЮНЕСКО, иштирок намуда, суханронӣ карданд. Семинарро вазири маориф ва илм ифтитоҳ намуда, таъкид дошт, ки рушди инфрасохтори муассисаҳои таълимӣ бо истифода аз ҳалли устувори энергетикӣ ва татбиқи стандартҳои муосири сохтмонӣ яке аз самтҳои афзалиятноки ислоҳоти соҳаи маориф дар Ҷумҳурии Тоҷикистон маҳсуб меёбад. Дар доираи лоиҳа сохтмони биноҳои иловагӣ барои омӯзиши фанҳои дақиқ (блокҳои STEM) бо риояи меъёрҳои муосири сохтмонӣ ба нақша гирифта шудааст. Ин меъёрҳо талаботи ҳатмиро дар самтҳои бехатарии сохторӣ, устуворӣ ба офатҳои табиӣ ва самаранокии энергетикӣ дар бар мегиранд. Аз ҷумла, дар доираи такмили меъёру қоидаҳои сохтмонӣ ба ҷанбаҳои калидии татбиқи стандартҳои сохтмонии устувор ба зилзила, обхезӣ ва дигар хатарҳои табиӣ бо дарназардошти хусусиятҳои минтақаҳои гуногуни кишвар, истифодаи инфрасохтори «сабз» ва технологияҳои каммасрафи энергия, аз ҷумла, насби панелҳои офтобӣ ва системаҳои муосири гармидиҳӣ, ҷорӣ намудани системаҳои муосири гармидиҳӣ, вентилятсия ва ҳаводиҳӣ (HVAC) барои фароҳам овардани шароити мусоиди таълим дар тамоми фаслҳои сол, таъмини бехатарии сӯхтор, мавҷудияти баромадгоҳҳои изтирорӣ ва фароҳамсозии дастрасии пурра барои шахсони дорои имконияташон маҳдуд, истифодаи маводҳои сохтмонии экологӣ ва камкарбон, ки ба коҳиши таъсири манфӣ ба муҳити зист мусоидат мекунанд, таваҷҷуҳи махсус зоҳир мегардад. Ҳамзамон, ба масъалаҳои таъмини инфрасохтори обтаъминкунӣ ва беҳдошт, аз ҷумла, ташкили иншооти алоҳида барои духтарон ва писарон, инчунин таъмини дастрасӣ ба оби нӯшокии бехатар, диққати махсус дода шуд. Зикр гардид, ки тарҳрезии биноҳо бо дарназардошти устуворӣ ба тағйирёбии иқлим амалӣ гардида, омилҳои муосири муҳандисӣ, аз ҷумла, баланд бардоштани қобилияти тобоварӣ ба сарбориҳои иловагӣ, ба назар гирифта мешаванд. Дар баромадҳои намояндагони Бонки Ҷаҳонӣ ва ЮНИСЕФ аҳаммияти муҳити таълимии бехатар, фарогир ва мутобиқ ба талаботи замони муосир ҳамчун омили калидии таъмини таҳсилоти босифат таъкид гардид. Дар қисми муҳокимаи муштарак иштирокдорон табодули таҷриба намуда, роҳҳои таҳкими ҳамкорӣ ва беҳтар намудани сифати лоиҳакашӣ ва сохтмони муассисаҳои таълимиро баррасӣ карданд. Қобили зикр аст, ки Созишномаи грантӣ байни Ҳукумати Ҷумҳурии Тоҷикистон ва Бонки Осиёии Рушд оид ба татбиқи Лоиҳаи «Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика» бо фармони Президенти Ҷумҳурии Тоҷикистон аз 22 декабри соли 2023 ба имзо расидааст. Лоиҳа дар сатҳи ҷумҳурӣ амалӣ гардида, 20 муассисаи таҳсилоти миёнаи умумии интихобшударо дар бар мегирад. Ҳамзамон, дар доираи лоиҳа муассисаҳои таълимии Донишгоҳи давлатии омӯзгории Тоҷикистон ба номи Садриддин Айнӣ ва Коллеҷи омӯзгории ба номи Хосият Махсумоваи ДДОТ ба номи Садриддин Айнӣ ҳамчун марказҳои такягоҳӣ барои рушди инфрасохтор ва такмили ихтисоси омӯзгорон интихоб гардидаанд.
46
28.04.2026 -
ШОҲМАНСУР: БАРГУЗОРИИ ДАВРИ НОҲИЯВИИ ОЗМУНИ ҶУМҲУРИЯВИИ «МУРАББИИ СОЛИ ТОҶИКИСТОН - 2026» 28 апрели соли 2026 дар Муассисаи таълимии томактабии №1 -и ноҳияи Шоҳмансур даври ноҳиявии озмуни ҷумҳуриявии “Мураббии сол - 2026” дар сатҳи баланд баргузор гардид. Дар даври ноҳиявии озмун мураббияҳои муассисаҳои таълимии томактабии ҳудуди ноҳияи Шоҳмансур фаъолона иштирок намуда, сатҳи баланди дониши касбӣ, маҳорати педагогӣ, малакаҳои методӣ ва қобилияти эҷодии худро ба намоиш гузоштанд. Иштирокчиён бо машғулиятҳои намунавӣ, баромадҳои методӣ ва пешниҳоди таҷрибаи пешқадам сазовори баҳои баланд гардиданд. Бо мақсади таъмини шаффофият ва риояи талаботи муқарраргардидаи озмун ҳайати доварон аз ҳисоби мураббияҳои соҳибтаҷриба, роҳбарони муассисаҳои томактабӣ ва мутахассисони соҳаи маориф таъсис дода шуда, фаъолияти иштирокчиёнро мутобиқ ба меъёрҳои муқарраршуда арзёбӣ намуданд. Ҳамзамон, ҷиҳати дар сатҳи баланд ташкил намудани раванди баргузории озмун кумитаи тадорукот фаъолият бурда, ҳамаи корҳои ташкилию методиро мувофиқи талаботи амалкунанда ба роҳ монд. Даври ноҳиявии озмун бо сухани ифтитоҳии муовини раиси ноҳияи Шоҳмансур Заррина Зуҳурзода оғоз гардида, зимни баромади худ номбурда таъкид намуд, ки баланд бардоштани мақому манзалати мураббиён, такмили маҳорати касбӣ, ҷорӣ намудани усулҳои муосири таълиму тарбия ва дастгирии мутахассисони болаёқат яке аз самтҳои муҳими сиёсати давлатӣ дар соҳаи маориф ба ҳисоб меравад. Ҳамчунин қайд гардид, ки фаъолияти босамари мураббиён дар ташаккули ҷаҳонбинӣ, рушди зеҳнӣ, маънавӣ ва ахлоқии насли наврас нақши калидӣ дорад. Бояд тазаккур дод, ки баргузории чунин озмунҳои касбӣ барои баланд бардоштани сатҳи касбияти мураббиён, такмили маҳорати педагогӣ, рушди методикаи таълиму тарбия, густариши таҷрибаи пешқадам ва баланд бардоштани сифати таълиму тарбия дар муассисаҳои томактабӣ заминаи мусоид фароҳам меорад.
24
28.04.2026
