08.05.2025
8 майи соли 2025 дар Муассисаи давлатии буҷетии таҳсилоти миёнаи умумии Россия – Тоҷикистон «Мактаби миёнаи умумӣ бо омӯзиши амиқи фанҳои алоҳида ба номи А.П. Чехов» дар шаҳри Хуҷанд семинари омӯзишӣ оид ба марҳилаи татбиқи Системаи иттилооти идоракунии соҳаи маориф (НИИМ) баргузор гардид.
Чорабинӣ аз ҷониби Вазорати маориф ва илми Ҷумҳурии Тоҷикистон бо ҷалби мутахассисони соҳа барои шахсони масъули татбиқи система ташкил ва баргузор карда шуд.
Мақсади асосии семинар шинос намудани иштирокчиён бо моҳият, самтҳои истифода ва аҳамияти татбиқи EMIS ҳамчун як воситаи муосир барои такмили низоми идоракунии муассисаҳои таълимӣ буд.
Иштирокчиён бо имкониятҳои калидии система, аз ҷумла таҳияи ҳисоботҳои таҳлилӣ, назорати дохилимактабӣ, ҳуҷҷатгузорӣ ва баҳисобгирии ҳозирии хонандагон шинос шуданд.
Дар ҷараёни семинар инчунин масоили муҳимми марбут ба таъмини амнияти иттилоотӣ, ҳифзи маълумоти шахсӣ ва роҳҳои пешгирии дастрасии ғайриқонунӣ ба иттилооти махфӣ мавриди баррасӣ қарор гирифтанд. Мутахассисон таҷриба ва тавсияҳои амалӣ оид ба таҳкими амнияти рақамӣ ва истифодаи самараноки система пешниҳод намуданд.
Дар анҷоми чорабинӣ, иштирокчиён дар фазои озоду созанда таҷриба ва андешаҳои худро мубодила карда, роҳҳои боз ҳам беҳтар ва муассиртар намудани ҷараёни татбиқи EMIS-ро дар муассиса мавриди муҳокима қарор доданд.
Маркази Ҷумҳуриявии
Технологияи Информатсионӣ
Хабарҳои дигар
-
ИШТИРОК ДАР ЧОРАБИНИИ САТҲИ БАЛАНД ОИД БА РУШДИ ҒИЗОИ МАКТАБӢ Муовини вазири маориф ва илми Ҷумҳурии Тоҷикистон Бадриддин Музаффарзода дар чорабинии минтақавии сатҳи баланд оид ба ғизои мактабӣ, ки айни замон дар Ҷумҳурии Арманистон баргузор гардида истодааст, иштирок ва суханронӣ намуд. Чорабинии мазкур ба мавзуи рушди милликунонии устувори ғизои мактабӣ бахшида шуда, дар он намояндагони як қатор давлатҳо, аз ҷумла, Тоҷикистон, Арманистон, Қирғизистон, Бразилия ва дигар кишварҳо таҷриба ва дастовардҳои худро дар самти татбиқи барномаҳои ғизои мактабӣ муаррифӣ карданд. Зимни баромади худ муовини вазири маориф ва илм таъкид гардид, ки дар доираи ҳамкориҳои самаранок бо Барномаи озуқавории ҷаҳонӣ ва сохторҳои дахлдори давлатӣ айни замон дар кишвар Барномаи давлатии рушди ғизои мактабӣ амалӣ гардида истодааст. Қайд карда шуд, ки дар натиҷаи татбиқи ин барнома хонандагони синфҳои ибтидоии наздик ба 2000 муассисаи таълимӣ ҳамарӯза бо ғизои гарм таъмин мешаванд. Ҳамчунин зикр гардид, ки аз ҷониби Ҳукумати Ҷумҳурии Тоҷикистон барои рушди соҳаи ғизои мактабӣ мунтазам маблағҳои зарурӣ ҷудо гардида, тадбирҳои муҳимми беҳтарсозии инфрасохтори ошхонаҳои муассисаҳои таълимӣ, муҷаҳҳазсозии онҳо ва гуногунсозии таомҳо амалӣ карда мешаванд. Таъкид шуд, ки амалисозии чунин иқдомҳо барои ташаккули низоми устувори ғизои мактабӣ ва беҳтар гардидани вазъи саломатии хонандагон заминаи мусоид фароҳам овардааст. Дар ҷараёни чорабинӣ масъалаҳои вобаста ба таҳкими ҳамкориҳои минтақавӣ, ҷалби шарикони рушд ва табодули таҷрибаи пешқадам дар самти таъмини ғизои босифат барои хонандагон мавриди баррасӣ қарор хоҳанд гирифтанд.
35
18.05.2026 -
БАРГУЗОРИИ АКСИЯИ ТОЗАГӢ БАХШИДА БА ИСТИҚБОЛИ 35 - СОЛАГИИ ИСТИҚЛОЛИЯТИ ҶУМҲУРИИ ТОҶИКИСТОН ДАР ДОНИШКАДА ТАҲТИ УНВОНИ “ САҲМИ МАН ДАР ШАҲРИ МАН” Бо иштироки роҳбарият, омӯзгорон, донишҷӯён ва кормандони Донишкадаи тарбияи ҷисмонии Тоҷикистон ба номи С. Раҳимов аксияи тозагии дастаҷамъона дар доираи аксияи “Саҳми ман - дар шаҳри ман” барои ободу зебо гардонидани донишкада, ҳифз намудани табиат, тозаю озода нигоҳ доштани ҳудуд, роҳравҳо, саҳн ва атрофи он баргузор гардид. Дар аксияи тозагӣ аз ҷониби ҳайати коллективи донишкада корҳои ободонӣ, тозакорӣ ва батартибдарории дарахту ниҳолҳои ороишии саҳн ва атрофи биноҳои донишкада анҷом дода шуданд. Чунин чорабиниҳо баҳри ободониву тозакорӣ ҳар ҳафта рӯзҳои шанбе аз тарафи омӯзгорон, кормандон ва донишҷӯён, ҷиҳати ободу зебо ва тозаю озода нигоҳ доштани дохил, саҳн ва атрофи бинои донишкада ба таври доимӣ роҳандозӣ карда мешавад.
34
17.05.2026 -
ИШТИРОКИ РОҲБАРИЯТ ВА КОРМАНДОНИ ВАЗОРАТ ДАР ДАВИ МИЛЛӢ ВА МАРАФОНИ ВЕЛОСИПЕДРОНӢ 17 майи соли 2026 дар саросари ҷумҳурӣ бо иштироки васеи сокинони мамлакат, намояндагони касбу кори гуногун, вазорату идораҳо, ташкилоту муассисаҳо Дави миллӣ ва марафони велосипедронӣ ба муносибати Рӯзи ҷавонон баргузор гардид. Дар ин чорабинии оммавии варзишӣ роҳбарият ва кормандони Вазорати маориф ва илми Ҷумҳурии Тоҷикистон низ фаъолона иштирок намуданд. Дави миллӣ дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола якшанбеи сеюми моҳи май доир гардида, ҳадафи он таҳкими тарзи ҳаёти солим, рушди соҳаи варзиш ва баланд бардоштани оммавияти варзиш миёни аҳолӣ мебошад.
50
17.05.2026
