САНОАТКУНОНИИ БОСУРЪАТИ КИШВАР – ҲАДАФИ ЧОРУМИ МИЛЛӢ
26.10.2024
25-26 октябри соли 2024 дар Донишгоҳи технологии Тоҷикистон конференсияи байналмилалии илмӣ – амалӣ дар мавзӯи “Самаранокии ҳамбастагии илм бо истеҳслот дар партави саноаткунонии босуръати кишвар" бо иштироки муовини Сарвазири Ҷумҳурии Тоҷикистон Мансурӣ Дилрабо Сайдулло, муовини вазири маориф ва илми Ҷумҳурии Тоҷикистон Абдухолиқзода Лутфия, директори ҶСП “Комбинати шири Душанбе” Ҳотамзода Раҳимҷон Давлаталӣ, директори корхонаи дӯзандагии ҶДММ “Сифат-Саноат”-и ш. Душанбе Идиев Ҳокимшо Давлатшоев, аъзои Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон Миров Лоиқҷон ва устодону донишҷӯён баргузор гардид.
Сараввал ректори Донишгоҳ Раҳмонзода Зоир Файзалӣ ба кори конференсия ҳусни оғоз бахшида, ҳузури меҳмонони гиромӣ, иштирокчиён ва намояндагони васитаҳои ахбори оммаро ба он хайрамақдам гуфт.
Зоир Файзалӣ зимни сухани ифтитоҳӣ иброз дошт, ки саноат яке аз соҳаҳои калидии иқтисоди мамлакат ва тавлидкунандаи асосии неъматҳои моддӣ ба ҳисоб меравад ва рушди он ба пешрафти бахшҳои дигари иқтисодиёт заминаи мусоид гузошта, нуфузу мавқеи давлатро дар арсаи байналмилалӣ устувор менамояд.
Аз ин хотир, дар фаъолияти Ҳукумати кишвар ва паёмҳои ҳарсолаи Президенти Ҷумҳурии Тоҷикистон ба Маҷлиси Олӣ масъалаи саноатикунонии босуръати мамлакат ва таъсиси ҷойҳои нави корӣ дар меҳвари таваҷҷуҳи Сарвари давлат муҳтарам Эмомалӣ Раҳмон қарор дорад.
Сипас, муовини Сарвазири Ҷумҳурии Тоҷикистон Мансурӣ Дилрабо Сайдулло, муовини вазири маориф ва илми Ҷумҳурии Тоҷикистон Абдухолиқзода Лутфия, директори ҶСП “Комбинати шири Душанбе” Ҳотамзода Раҳимҷон Давлаталӣ дар мавзӯи “Рушди саноати хӯрока дар таҳкими саноатикунонии босуръати кишвар”, директори корхонаи дӯзандагии ҶДММ “Сифат-Саноат”-и ш. Душанбе Идиев Ҳокимшо Давлатшоев дар мавзӯи “Саҳми корхонаи дӯзандагии “Сифат-Саноат”-и ш.Душанбе дар саноатикунонии босуръати кишвар”, аъзои Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон Миров Лоиқҷон дар мавзӯи “Нақши стратегияи рушди зеҳни сунъӣ дар рушди инноватсияи кишвар” бо маърузаҳои илмӣ баромад намуданд.
Инчунин, дар кори конференсия намояндагони як қатор донишгоҳҳову ташкилотҳои хориҷи кишвар тариқи маҷозӣ баромад намуда, ба ректори Донишгоҳ ва ташкилкунандагони конференсияи илмӣ-амалии байналмилалӣ изҳори сипос ва миннатдорӣ намуданд.
Баъд аз ба итмом расидани қисмати ифтитоҳӣ, кори конференсия дар бахшҳо идома ёфт.
Хабарҳои дигар
-
БАРГУЗОРИИ ДАВРИ ДУЮМИ ОЛИМПИАДАИ ФАННӢ ДАР ШАҲРИ КӮЛОБ Ҳамасола бо ҳадафи муайянсозии хонандагони болаёқат ва дорои дониши баланд олимпиадаҳои фаннӣ баргузор карда шуда, ғолибон бо туҳфаҳою ифтихорномаҳо қадрдонӣ мегарданд ва ҳангоми дохилшавӣ ба муассисаҳои таҳсилоти олии кишвар аз тариқи Маркази миллии тестӣ ба онҳо имтиёз пешбинӣ карда мешавад, ки баёнгари ғамхорӣ ва таваҷҷуҳи пайвастаи Ҳукумати кишвар ба ин соҳаи калидӣ мебошад. Бо мақсади ба даври сеюми олимпиадаи фаннӣ равона кардани хонандагон, даври дуюми олимпиадаи фаннӣ дар шаҳру ноҳияҳои кишвар бо омодагиҳои хоса баргузор шудаистодааст. Ҳамин тариқ, дар шаҳри Кӯлоби вилояти Хатлон низ даври дуюми олимпиадаи фаннӣ, дар МТМУ-и рақами 30 ба номи Каримҷон Қурбонов миёни синфҳои 11 баргузор гардида, аз рафти баргузории он ҳайати кории Маркази ҷумҳуриявии дарёфт ва рушди истеъдодҳо дидан намуданд. Дар оғози даври шаҳрии олимпиада аз фанни химия иҷрокунандаи вазифаи директори Маркази дарёфт ва рушди истеъдодҳои шаҳри Кӯлоб - Фирдавси Парвиз ба иштирокдорон итминон доданд, ки олимпиада шаффоф баргузор шуда, беҳтаринҳо ба даври сеюм роҳхат хоҳанд гирифт. Даври дуюми олимпиада миёни хонандагон дар дигар шаҳру навоҳии кишвар бо маром идома дорад.
35
29.10.2024 -
НАЗОРАТИ РАВАНДИ БАРГУЗОРИИ ДАВРИ НИҲОИИ ОЛИМПИАДАИ БАЙНАЛМИЛАЛИИ “ЖАР – ПТИЦА” Имрӯз, 29-уми октябр дар Муассисаи давлатии таълимии тоҷикӣ – русии ба номи Ю.А. Гагарин дар шаҳри Душанбе даври ниҳоии олимпиадаи байналмилалӣ аз фанни забони русӣ бари хонандагони муассисаҳои таҳсилоти умумии Ҷумҳурии Тоҷикистон, олимпиадаи байналмилалии “ЖАР – ПТИЦА” баргузор гардид. Бояд қайд намуд, ки олимпиадаи мазкур аз ҷониби Донишгоҳи давлатии педагогии Алтай бо дастгирии вазорати маорифи Федератсияи Россия, Вазорати маориф ва илми Ҷумҳурии Тоҷикистон ва дар ҳамкорӣ бо Маркази ҷумҳуриявии дарёфт ва рушди истеъдодҳо баргузор гардид. Бо мақсади назорат, ҳамоҳангсозии фаъолият ва муайян намудани дурнамои фаъолият дар равнди баргузории олимпиада, вохӯрии муовини директори Маркази ҷумҳуриявии дарёфт ва рушди истеъдодҳо Нурулло Ғафуриён бо намояндагони Донишгоҳи давлатии педагогии Алтай баргузор гардид, ки зимни он масъалаи баргузории маросими ҳавасмандгардонӣ, мубодилаи таҷриба ва банақшагирии олимпиадаҳои навбатӣ мавриди баррасӣ қарор гирифт.
40
29.10.2024 -
ДАВРИ ДУЮМИ ОЛИМПИАДАИ ФАННӢ ДАР НОҲИЯИ ДАРВОЗ: РОҲЁБИИ БЕҲТАРИНҲО БА ДАВРИ СЕЮМ Маориф, ҳамчун пояи устувори давлат дар маркази таваҷҷуҳи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон қарор дошта, дар даврони соҳибистиқлолии кишвар баҳри дастгирии хонандагон ва беҳтар кардани шароити таҳсил озмуну олимпиадаҳои фаннӣ баргузор карда мешаванд, ки барои тарғиби илмомӯзӣ ва табодули таҷриба хеле судманд мебошад. Олимпиадаҳои фаннӣ низ барои муаррифии хонандагони боистеъдод ва мубодилаи дониш миёни онҳо заминагузорӣ карда, ҳамасола баргузор карда мешавад. Мисли дигар шаҳру навоҳии ҷумҳурӣ дар ноҳияи Дарвози Вилояти Мухтори Кӯҳистони Бадахшон низ, бо иштироки муовини раиси ноҳия ва кормандони Маркази дарёфт ва рушди истеъдодҳои ноҳияи Дарвоз даври дуюми олимпиадаи фаннӣ миёни 612 нафар хонандагони синфҳои 5-11 дар Гимназияи рақами 1 баргузор гардид. Олимпиада ба гунаи шаффоф баргузор шуда, 111 нафар хонанда ба даври сеюм роҳ ёфтанд.
16
29.10.2024
