09.01.2025
Пас аз анҷоми курси кутоҳмуддати шунавандагӣ барои роҳбарони гурӯҳи идоракунии сифати таҳсилоти муассисаҳои таълимии мақоми ҷумҳуриявидошта, ки имрӯз дар МДТ “Литсей барои хонандагони болаёқати равияи иқтисодӣ”-и шаҳри Душанбе баргузор шуд ҷараёни супоридани сертификатҳо ба иштирокчиён доир гардид.
Сертификатҳоро ба 15 нафар роҳбарони гурӯҳи идоракунии сифати таҳсилоти муассисаҳои таълимии мақоми ҷумҳуриявидошта директори Маркази ҷумҳуриявии дарёфт ва рушди истеъдодҳо – Муҳамадҷон Ғафорзода ва директори Литсей барои хонандагони болаёқати равияи иқтисодӣ дар шаҳри Душанбе – Эркин Собирзода тақдим намуданд.
Бояд тазаккур дод, ки курси мазкур бо ҳадафи баланд бардоштани малакаҳои роҳбарони ГИСТ-ҳо баргузор гардида, хоҳишмандон ба таври онлайнӣ низ ба он пайваст гардида буданд.
Пас аз тақдими сертификатҳо иштирокдорон таассуроти худро баён карда, акс хотиравӣ гирифта шуд.
Хабарҳои дигар
-
ОМӮЗГОРИ КАСБӢ-КАФИЛИ ТАЪЛИМИ БОСИФАТ 13 августи соли 2026, дар Муассисаи давлатии «Литсей барои хонандагони болаёқат»–и шаҳри Душанбе бо ташаббуси Муассисаи давлатии «Маркази ҷумҳуриявии дарёфт ва рушди истеъдодҳо»–и Вазорати маориф ва илми Ҷумҳурии Тоҷикистон семинари омӯзишӣ таҳти унвони «Омӯзгори касбӣ – кафили таълими босифат» оғоз гардид. Дар маросими ифтитоҳи семинар директори Муассисаи давлатии «Маркази ҷумҳуриявии дарёфт ва рушди истеъдодҳо» М. Ғафорзода нахуст иштирокчиёнро ба муносибати фарорасии ҷашни бузурги миллӣ, 35-солагии Истиқлоли давлатии Ҷумҳурии Тоҷикистон самимона табрик намуда, ба ҳар яки онҳо саломатӣ, саодат ва дар фаъолияти пурмасъулияти касбӣ комёби орзу намуд. Дар идомаи суханронӣ директори марказ вобаста ба ҳадафу мақсадҳои баргузории семинар, аҳамияти такмили сатҳи касбии омӯзгорон, рушди малакаҳои методӣ ва ҳуқуқии онҳо, истифодаи таҷрибаи пешқадам ва нақши омӯзгори касбӣ дар таъмини таълими босифат ибрози назар намуданд. Семинари мазкур рӯзҳои 13 ва 14 августи соли 2026 баргузор гардида, дар он муовинони директор оид ба корҳои таълим ва тарбия, роҳбарони иттиҳодияҳои методии муассисаҳои таҳсилоти умумии дорои мақоми ҷумҳуриявӣ ва намояндагони марказҳои дарёфт ва рушди истеъдодҳои вилоятҳо ва шаҳру ноҳияҳои ҷумҳурӣ иштирок доранд. Маврид ба зикр аст, ки дар баробари машғулиятҳои назариявӣ, иштирокчиёни семинар дар муҳокимаҳо ва мубодилаи таҷрибаи касбӣ иштирок намуда, доир ба масъалаҳои муҳими фаъолияти муассисаҳои таълимӣ табодули афкор менамоянд. Маркази ҷумҳуриявии дарёфт ва рушди истеъдодҳо
7
13.08.2026 -
ЧОРАБИНИИ ИДОНАИ МАҲФИЛИ "ҶАВОНОНИ ДАР ХОРИҶИ КИШВАР ТАҲСИЛДОШТА" БАХШИДА БА РӮЗИ БАЙНАЛМИЛАЛИИ ҶАВОНОН ВА 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН 12 августи соли 2026 дар толори IT Park-и шаҳри Душанбе чорабинии идонаи маҳфили «Ҷавонони дар хориҷи кишвар таҳсилдошта» бахшида ба Рӯзи байналмилалии ҷавонон ва 35-солагии Истиқлоли давлатии Ҷумҳурии Тоҷикистон баргузор гардид. Дар чорабинӣ ҷавонони тоҷик, ки дар муассисаҳои таҳсилоти олии кишварҳои хориҷӣ таҳсил менамоянд, намояндагони вазорату идораҳои давлатӣ ва дигар сохторҳои дахлдор иштирок намуданд. Дар маросими ифтитоҳи чорабинӣ муовини вазири маориф ва илми Ҷумҳурии Тоҷикистон Илҳомуддин Иброҳимзода иштирок ва суханронӣ намуд. Зимни суханронӣ таъкид гардид, ки ҷавонони тоҷик, ки дар хориҷи кишвар таҳсил мекунанд, ҳамчун неруи созанда ва дорои иқтидори баланди зеҳнӣ дар рушди илму маориф, иқтисодиёт ва дигар соҳаҳои кишвар нақши муҳим дошта метавонанд. Аз ин рӯ, таҳкими робитаи онҳо бо Ватан, мубодилаи дониш ва таҷрибаи пешқадам ва фароҳам овардани шароити мусоид барои истифодаи иқтидори онҳо аз ҷумлаи самтҳои муҳими сиёсати давлатӣ ба ҳисоб меравад. Ҳамзамон, зикр гардид, ки ҷавонони соҳибистеъдод бояд дониш ва таҷрибаи андӯхтаи худро дар роҳи рушди устувор, пешрафти илму технология ва ободии Тоҷикистони соҳибистиқлол самаранок истифода намоянд. Маҳфили «Ҷавонони дар хориҷи кишвар таҳсилдошта» ҳамчун майдони муҳим барои таҳкими робита, табодули таҷриба ва ҳамгироии ҷавонони тоҷик, инчунин ҷалби онҳо ба равандҳои рушди иҷтимоию иқтисодӣ ва илмию инноватсионии кишвар арзёбӣ мегардад.
47
13.08.2026 -
ТРЕНИНГҲОИ ОМӮЗИШӢ БАРОИ ОМӮЗГОРОН ДАР МАВЗУИ ЗЕҲНИ СУНЪӢ ВА ТАҒЙИРЁБИИ ИҚЛИМ Аз 10 то 12 августи соли 2026 дар Маркази ҷумҳуриявии муассисаҳои таҳсилоти иловагӣ барои омӯзгорон тренингҳои омӯзишӣ баргузор гардид. Тренингҳо дар доираи лоиҳаи «Ҳамкорӣ ҷиҳати фароҳам овардани имкониятҳо барои наврасон тавассути омӯзиши малакаҳои сабз ва масъулияти экологӣ тавассути экоклубҳо, малакаҳои шуғли корӣ, инчунин мусоидат ба омӯзиши зеҳни сунъӣ барои таълим» ташкил шуда, ба масъалаҳои истифодаи зеҳни сунъӣ дар раванди таълим ва баланд бардоштани сатҳи огоҳии наврасон оид ба тағйирёбии иқлим бахшида шуданд. Дар чорабинии омӯзишӣ омӯзгорон аз муассисаҳои таҳсилоти миёнаи умумии шаҳрҳои Ҳисор ва Ваҳдат ва ноҳияи Рашт иштирок намуданд. Зимни машғулиятҳо иштирокчиён доир ба имкониятҳои истифодаи технологияҳои зеҳни сунъӣ дар фаъолияти омӯзгорӣ, роҳҳои татбиқи онҳо дар раванди таълиму тарбия, инчунин масъалаҳои марбут ба тағйирёбии иқлим, ҳифзи муҳити зист ва ташаккули масъулияти экологӣ миёни наврасон маълумоту таҷрибаи муфид ба даст оварданд.
35
13.08.2026
