ТАҚВИЯТИ ҲАМКОРИҲОИ БАЙНАЛМИЛАЛИИ МУАССИСА
08.11.2024
Дар Муассисаи давлатии таълимии литсей барои хонандагони болаёқат дар шаҳри Душанбе вохӯрии намояндагони Раёсати маорифи шаҳри Сэҷонги Ҷумҳурии Корея дар ҳайати Шин Мёнгхе – директори генералии Раёсати маорифи шаҳри Сэҷонг, Ча Джунгчан – президенти Донишкадаи муштараки ҳамкории иқтисодии Осиё ва Уқёнуси Ором, Ҷи Ҷаегеун – сармутахассиси Раёсати шаҳри Сэҷонг, Ҷо Сеонгҷин – мутахассиси Раёсати маорифи шаҳри Сэҷонг, Сон Чеонҷае – мутахассиси Раёсати маорифи шаҳри Сэҷонг ва Сон Ҷихун мутахассиси Донишкадаи муштараки ҳамкории иқтисодии Осиё ва Уқёнуси Ором ва директори муассисаи давлатии маркази ҷумҳуриявии технологияҳои инноватсионӣ ва коммуникатсионии назди вазорати маориф ва илми Ҷумҳурии Тоҷикистон Муҳаммадраҷабзода Комрон бо роҳбарият ва хонандагони муассиса баргузор гардид.
Меҳмонон нахуст аз намоишгоҳи омоданамудаи хонандагони муассиса, ки аз корҳои лабораторӣ аз фанни химия, физика, астрономия ва технологияҳои иттилоотӣ иборат буд, дидан намуданд. Дар ҳамин ҷо бо гирандагони стипендияи Президенти Ҷумҳурии Тоҷикистон, стипендияи Раиси шаҳри Душанбе, ғолибони олимпиадаҳои байналмилалӣ ва ғолибони озмунҳои ҷумҳуриявӣ суҳбат намуданд.
Инчунин, тариқи барномаи Zoom бо собиқ хонандагони муассиса, ки ҳоло дар Ҷумҳурии Корея таҳсилро идома медиҳанд, хамсуҳбат шуданд. Дар идома аз имкониятҳои синфхонаи омӯзиши технологияҳои иттилоотии муассиса дидан намуда, сипас дар толори конфронсии муассиса бо роҳбарият ҷиҳати ҳамкориҳои минбаъда дар самти ташкили курсҳои омӯзишӣ ва таъмин намудани муассиса бо технологияҳои нави иттилоотӣ ва татбиқи технология дар раванди таълим мулоқоти судманд анҷом дода шуд.
Хабарҳои дигар
-
НАЗОРАТИ РАФТИ ОЗМУНИ ВИЛОЯТӢ ОИД БА МУТОЛИАИ КИТОБҲОИ ИЛМИЮ БАДЕӢ Даври вилоятии озмуни "Беҳтарин хонандаи китобҳои илмӣ ва бадеӣ дар байни кормандони соҳаи маорифи вилояти Хатлон" ҳамарӯза доир гардида истодааст. Ёдовар мешавем, ки ҳадаф аз ташкили озмуни мазкур иҷрои дастури раиси вилояти Хатлон Давлаталӣ Саид ҷиҳати дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ҷалб намудан ба китобхонӣ мебошад. Сардори раёсати маорифи вилояти Хатлон Зиёдулло Абдулзода барои назорати рафти озмун иштирок карда, ба ҳайати ҳакамон ҷиҳати таъмини шаффофият ва баҳогузорӣ кардани беҳтарин хонандагони китобхонаҳои илмӣ ва бадеӣ таъкид намуданд. Гуфта шуд, ки озмун ҳамаи кормандони соҳаи маорифро дақиқан ба мутолиаи китоб ҷалб мекунад. Зеро аз ҳамаи шаҳру ноҳияҳо довталабон ширкат намуда, донишу маҳорати худро месанҷанд. Лозим ба ёдоварист,ки даври вилоятии озмуни мазкур идома дошта, ҳамарӯза довталабон фаъолона иштирок доранд. Хадамоти матбуоти Раёсати маорифи вилояти Хатлон
1
02.12.2024 -
МИНБАРАТ АЗ ПАРТАИ МАКТАБ. БОЗДИД АЗ ОСОРХОНАИ МАКТАБИИ АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН Дар доираи баргузории ҷаласаи навбатии Шурои ҳамоҳангсози фаъолияти муассисаҳои таълимӣ барои хонандагони болаёқат директорони муассисаҳои таълимии мақоми ҷумҳуриявидошта аз Осорхонаи мактабии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон боздид карданд. Дар раванди боздид тазаккур дода шуд, ки осорхонаи мазкур аз санаи 9-уми марти соли 2005 ба фаъолият шуруъ карда, дар он даврони мактабии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва даврони фаъолияташон даврабандӣ шуда, инъикос гардидааст. Ҳамчунон, синфхонаи таҳсилкардаи Пешвои миллат бо мизу курсиҳо нигоҳ дошта шудааст.
15
30.11.2024 -
БАРГУЗОРИИ ҶАЛАСАИ НАВБАТИИ ШУРОИ ҲАМОҲАНГСОЗИ ФАЪОЛИЯТИ МУАССИСАҲОИ ТАЪЛИМӢ БАРОИ ХОНАНДАГОНИ БОЛАЁҚАТ, ТАҲТИ РОҲБАРИИ МУОВИНИ ВАЗИРИ МАОРИФ ВА ИЛМИ ҶУМҲУРИИ ТОҶИКИСТОН - КАРИМЗОДА РАВШАН АЪЗАМ Имрӯз, 30-юми ноябри соли 2024 таҳти роҳбарии муовини вазири маориф ва илми Ҷумҳурии Тоҷикистон - Каримзода Равшан Аъзам дар бинои маҷлисгоҳи Муассисаи давлатии таълимии "Гимназияи ҷумҳуриявӣ дар ноҳияи Данғара" ҷаласаи навбатии Шурои ҳамоҳангсози фаъолияти муассисаҳои таълимӣ барои хонандагони болаёқат баргузор гардид. Ҳисоботи Маркази ҷумҳуриявии дарёфт ва рушди истеъдодҳо доир ба омӯзиши фаъолияти муассисаҳои давлатии таълимии "Мактаби Президентӣ барои хонандагони болаёқат" ва "Гимназияи ҷумҳуриявӣ" дар ноҳияи Данғара шунида шуда, дастовардҳо ва норасоиҳои мавҷуда дар муассисаҳои таълимӣ баррасӣ гардиданд. Сипас, муовини вазири маориф ва илми Ҷумҳурии Тоҷикистон барои бартарафсозии норасоиҳо дар самтҳои таълим, тарбия, таъминоти моддию техникӣ ва нутқи шифоҳии хонандагон супоришҳои мушаххас дода, барои дар муҳлати кутоҳтарин бартараф кардани онҳо таъкид намуданд.
14
30.11.2024
