14.12.2024
Имрӯз, 14-уми декабри соли 2024 вазири маориф ва илми Ҷумҳурии Тоҷикистон Раҳим Саидзода бо китобдорони шуъбаҳои маорифи минтақаи Кӯлоб мулоқот доир намуд.
Дар вохӯрӣ ҳамчунин муовинони раиси ноҳияи Фархор, мудирони шуъбаҳои маорифи шаҳру ноҳияҳои минтақаи Кӯлоб ва директорони муассисаҳои таҳсилоти миёнаи умумии ноҳия иштирок намуданд.
Дар оғози вохӯрӣ вазири маориф ва илм таъкид дошт, ки соҳаи маориф дар меҳвари сиёсати пешгирифтаи Ҳукумати Ҷумҳурии Тоҷикистон ва махсусан Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, соҳаи мазкур ҳамчун соҳаи афзалиятнок ва калидӣ эълон гардидааст. Ҳадаф аз баргузории вохӯрии имрӯза бори дигар мавриди баррасӣ қарор додани вазъи таъминоти адабиёти таълимӣ, бартараф намудани норасоии китобҳои дарсӣ ва тартиби ҷамъоварии маблағи онҳо, инчунин вазифаҳое, ки мову шумо дар оянда бояд анҷом диҳем, ба ҳисоб меравад.
Дар идома гуфта шуд, ки соли ҷорӣ дар пайи ислоҳоти соҳаи маориф бори аввал барои муассисаҳои таҳсилоти умумии таълимашон бо забони русӣ ва тоҷикӣ китобҳои дарсии фанни забони русӣ аз синфи 2 то 11 мутобиқ ба стандартҳои байналмилалии таҳсилот таҳия ва ба миқдори 371 ҳазор нусха нашр гардида, китобҳои дарсии фанни забони тоҷикӣ ва математика барои синфи 5-ум ҳамроҳ бо маводҳои иловагии таълим дар таҳрири нав ба миқдори 1 млн. 225 ҳазор нусха нашр шуда истодаанд. Вазорати маориф ва илм барои таҳия ва нашри китобҳои дарсӣ ҳамасола тадбирҳои муҳимро роҳандозӣ менамояд. Танҳо дар соли 2024 аз ҷониби вазорат нашри 84 номгӯй китоби дарсӣ ба теъдоди умумии 3 млн. 442 ҳазору 73 нусха ба роҳ монда шудаст, ки нисбат ба соли гузашта бамаротиб зиёд аст. Айни амон 39 номгӯй китоби дарсӣ ба теъдоди 2 млн. 143 ҳазор нусха мавриди чоп қарор дорад.
Ҳамчунин, дар вохӯрӣ вобаста ба масъалаҳои баланд бардоштани сатҳи сифати таълиму тарбия дар муассисаҳои таълимӣ, ба роҳ мондани корҳои фаҳмондадиҳӣ миёни хонандагон ҷиҳати пешгирии шомилшавии онҳо ба ҳизбу ҳаракатҳои гуногун, иштироки бештари хонандагон дар олимпиадаҳо ва озмунҳои ҷумҳуриявию байналмилалӣ, эътибори ҷиддӣ додан ба омӯзиши забонҳои хориҷӣ, илмҳои дақиқ, риёзӣ ва табиӣ мубодилаи афкор сурат гирифт.
Дар охир умед карда шуд, ки дар соли 2025 баҳри амалӣ гаштани ташаббусҳои маорифпарваронаи Пешвои миллат муҳтарам Эмомалӣ Раҳмон беш аз пеш фаъолият карда, баҳри баланд бардоштани сатҳу сифати таълиму тарбия тамоми имкониятҳо истифода хоҳанд шуд.
Маркази матбуоти
Вазорати маориф ва илми
Ҷумҳурии Тоҷикистон
Хабарҳои дигар
-
БОЗДИД АЗ РАФТИ КОРҲОИ ТАЪМИРУ АЗНАВСОЗӢ ДАР МУАССИСАИ ТАҲСИЛОТИ МИЁНАИ УМУМИИ №9-И ШАҲРИ КӮЛОБ 23 июни соли 2025 вазири маориф ва илми Ҷумҳурии Тоҷикистон Раҳим Саидзода аз рафти корҳои таъмиру азнавсозӣ дар Муассисаи таҳсилоти миёнаи умумии №9-и шаҳри Кӯлоб ошно гардид. Зимни боздид вазир бо роҳбарият ва сохтмончиёни муассисаи таълимӣ мулоқот анҷом дода, ҷиҳати бо сифати баланд ва дар муҳлати муайянгардида ба анҷом расонидани корҳои сохтмонӣ таъкид намуд. Тибқи иттилои пешниҳодшуда, айни замон дар муассисаи таълимии мазкур 480 хонанда дар як баст ба таҳсил фаро гирифта шудаанд. Теъдоди умумии омӯзгорон 68 нафарро ташкил медиҳад. Муассиса дорои 16 синфхона, 2 синфхонаи компютерӣ, 1 синфхонаи технологияи меҳнат, китобхона, ошхона, толори варзишӣ, толори фарҳангӣ ва 10 утоқи иловагӣ мебошад. Ҳамзамон, дар назар дошта шудааст, ки дар назди муассиса Маркази инкишофи кӯдак таъсис дода шуда, ба истифода супорида шавад. Маркази матбуотиВазорати маориф ва илмиҶумҳурии Тоҷикистон
28
24.06.2025 -
ВОХӮРӢ БО ДИРЕКТОРОНИ МУАССИСАҲОИ ТАЪЛИМИИ ШАҲРИ КӮЛОБ 23 июни соли 2025 вазири маориф ва илми Ҷумҳурии Тоҷикистон Раҳим Саидзода бо директорони муассисаҳои таҳсилоти миёнаи умумӣ ва мудирони муассисаҳои таҳсилоти томактабии шаҳри Кӯлоб вохӯрӣ анҷом дод. Дар мулоқоти ҳамчунин муовини раиси шаҳри Кӯлоб ва сардори раёсати маорифи вилояти Хатлон низ иштирок намуданд. Дар оғози вохӯрӣ вазири маориф ва илм ҳамаи иштирокчиёнро ба ифтихори Рӯзи Ваҳдати миллӣ, ки дар таърихи навини Тоҷикистон мавқеи баланд ва аҳамияти сарнавиштсоз дорад, самимона табрик намуд. Вазир бо ифтихор аз хизматҳои таърихии Асосгузори сулҳу ваҳдати миллӣ - Пешвои муаззами миллат муҳтарам Эмомалӣ Раҳмон дар роҳи таъмини сулҳу субот ва ваҳдати миллӣ ёдовар шуда, таъкид дошт, ки маҳз бо роҳбарии оқилона ва сиёсати сулҳофаринии Сарвари давлат имрӯз мо дар фазои осуда барои рушди соҳаи маориф талош меварзем. Дар ҷараёни вохӯрӣ як қатор масъалаҳои муҳимми соҳаи маориф мавриди баррасӣ қарор гирифтанд. Аз ҷумла, вазир таъкид кард, ки таҳсилоти томактабӣ заминаи асосии рушди маънавию зеҳнии кӯдаконро ташкил медиҳад ва дар ин самт таваҷҷуҳ бояд бештар гардад. Вобаста ба талаботи рӯзафзуни ҷомеа ба муассисаҳои таълимӣ, вазир ҷараёни сохтмон ва таъмири муассисаҳои таълимиро таҳлил намуда, ба масъулин супориш дод, ки раванди сохтмони иншооти таълимӣ бо назардошти талаботи замони муосир ва босифат ба анҷом расонида шаванд. Вазири маориф ва илм дар идома қайд кард, ки барои баланд бардоштани сатҳи таълим, муассисаҳо бояд бо кабинетҳои фаннӣ, таҷҳизоти ҳозиразамон ва лавозимоти омӯзишӣ таъмин бошанд. Ин омилҳо барои дар амал татбиқ намудани стандартҳои давлатии таҳсилот ва рушди қобилияти хонандагон мусоидат мекунанд. Яке аз масъалаҳои муҳимми муҳокимашуда дар вохӯрӣ, ин сарфа намудани неруи барқ буд. Вазир аз директорони муассисаҳо даъват ба амал овард, ки неруи барқро оқилона истифода намоянд. Дар интиҳои вохӯрӣ, вазири маориф ва илм ба иштирокчиён барои заҳмати пайваста дар самти рушду пешрафти маориф изҳори сипос намуда, баён дошт, ки мо, аҳли маорифи кишварро зарур аст, ки дар заминаи дастуру супоришҳо ва ҳидоятҳои рӯзафзуни Пешвои миллат беш аз пеш кӯшиш намоем ва баҳри пешрафти соҳаи маориф саҳми шоиста гузорем. Маркази матбуотиВазорати маориф ва илмиҶумҳурии Тоҷикистон
34
24.06.2025 -
БАРРАСИИ МАСЪАЛАҲОИ МУҲИММИ СОҲА ДАР ҶАЛАСАИ НАЗОРАТӢ 20 июни соли равон таҳти раёсати муовини якуми вазири маориф ва илм Ҳомид Ҳошимзода ҷаласаи навбатии назоратӣ баргузор гардид. Дар он муовинони вазири маориф ва илм, сардорони раёсату шуъбаҳои дастгоҳи марказии вазорат, роҳбарони муассисаҳои тобеъ, сардорони Сарраёсати маорифи шаҳри Душанбе, раёсатҳои маорифи вилоятҳо ва мудирони шуъбаҳои маорифи шаҳру ноҳияҳои ҷумҳурӣ ба тариқи ҳузурӣ ва маҷозӣ иштирок намуданд. Дар оғоз, муовини якуми вазир ҳозиринро бо рӯзномаи ҷаласа шинос намуда, зикр кард, ки тибқи дастуру супоришҳои Роҳбарияти Олии кишвар ҷиҳати татбиқи босамари ҳадафҳои стратегии миллӣ ва баланд бардоштани сатҳу сифати таҳсилот дар ҳамаи зинаҳои таълимӣ, зарур аст, фаъолияти мақсадноки сохторҳои маориф таҳким бахшида шавад. Дар ҷаласа сараввал, масъалаи иҷрои “Барномаи таъмин намудани муассисаҳои таълимӣ бо кабинетҳои фаннӣ ва озмоишгоҳҳои муҷаҳҳази таълимӣ барои солҳои 2021-2025” мавриди баррасӣ қарор гирифт. Гузоришро сардори раёсати таҳсилоти миёнаи умумӣ Шарофиддин Асомиддинзода манзур намуда, ҷараёни амалисозии тадбирҳои марбут ба муосирсозии инфрасохтори таълимӣ дар муассисаҳои таҳсилоти умумиро шарҳ дод. Дар идома, суханронии директори Муассисаи давлатии “Маркази ҷумҳуриявии дарёфт ва рушди истеъдодҳо” Муҳаммад Ғаффорзода вобаста ба натиҷаҳои олимпиадаҳои ҷумҳуриявии хонандагон дар соли 2025 таҳлил гардида, дар ин замина доир ба раванди ташкили марҳилаҳои олимпиада ва дастовардҳои хонандагон маълумоти муфассал шунида шуд. Раиси ҷаласа зимни баррасии масъалаҳои матраҳгардида иброз дошт, ки ҳар як самти мавриди муҳокима, аз муҷаҳҳазгардонии кабинетҳои фаннӣ то натиҷаҳои олимпиадаҳо нишондиҳандаи сатҳи татбиқи сиёсати давлатии соҳаи маориф маҳсуб меёбад. Таъкид гардид, ки дар шароити ҷаҳони муосир, ки талабот ба таҳсили босифат ва рақобати зеҳнӣ босуръат меафзояд, таҳкими фаъолияти муассисаҳои таълимӣ ва татбиқи самараноки барномаҳои соҳавӣ бояд самти афзалиятноки фаъолияти масъулин қарор гирад. Муовини якуми вазир аз сардорону кормандони дастгоҳи марказӣ, муассисаҳои тобеъ ва мудирони маорифи шаҳру ноҳияҳои ҷумҳурӣ талаб намуд, ки дар фаъолияти рӯзмарраашон ташаббускорӣ, таҳлили амиқи раванди татбиқи нақшаҳо ва назорати пайвастаи сатҳу сифати таълимро дар мадди аввал гузоранд. Зикр шуд, ки танҳо тавассути муносибати ҷиддӣ, масъулиятшиносӣ ва ҳамоҳангии муназзами сохторҳо метавон иҷрои саривақтии қарорҳои Ҳукумати Ҷумҳурии Тоҷикистонро таъмин намуда, заминаи мусоиди рушди низоми миллии маорифро фароҳам овард. Қисмати ниҳоии ҷаласа ба масъалаи иҷрои корҳои сохтмонии иншооти соҳаи маориф, ки дар доираи маблағгузории буҷети ҷумҳуриявӣ тавассути Вазорати маориф ва илм татбиқ мешаванд, бахшида шуда, гузориши сардори раёсати сохтмони асосии вазорат Бахтовар Файзуллозода шунида шуд. Дар он раванди корҳои сохтмонӣ, мӯҳлат, сифат ва анҷоми сохтмони муассисаҳо бо истифода аз рӯнамо мавриди таҳлил қарор гирифт. Дар фарҷом, муовини якуми вазири маориф ва илм барои татбиқи пурраи дастуру супоришҳои Ҳукумати Ҷумҳурии Тоҷикистон, вусъат бахшидани раванди таҷҳизонидану бунёдкории муассисаҳои таълимӣ, иштироки бештари хонандагон дар озмунҳои ҷумҳуриявӣ, таҳлили мунтазами натиҷаҳои олимпиадаҳо ва боло бурдани сатҳи омодагии кадрӣ дар тамоми зинаҳои таҳсилот ба масъулин супоришҳои мушаххас дод. Маркази матбуотиВазорати маориф ва илмиҶумҳурии Тоҷикистон
2330
20.06.2025
