24.12.2024
Бо дастури ректори Донишкада Наврӯз Мирзозода бори аввал нақшаи баргузории ҷаласаҳо оид ба натиҷаҳои фаъолияти филиалҳои Донишкада таҳия ва тасдиқ гардиданд. Дар ҳамаи ҷаласаҳои филиалҳо аз ҳисоби намояндагони Донишкада шахсони масъул таъин гардида, дар баррасии натиҷаҳои фаъолият иштирок менамоянд.
Имрӯз 24.12.2024 ҷаласаи фаъолияти солонаи филиали Донишкада дар ВМКБ баргузор гардид. Дар он директори филиал Азизбек Раҳимдод, муовини ректори Донишкада Наҷмиддиниён Абдусаттор (онлайн), сардори раёсати маорифи ВМКБ Муаллифшоев Аҳмад ва кормандону омӯзгорони филиал иштирок намуданд.
Директори филиали Донишкада дар ВМКБ Азизбек Раҳимдод оид ба натиҷаи ҷамъбасти фаъолиятҳои филиали Донишкада ҳисоботи муфассал пешниҳод намуд. Қайд карда шуд, ки дар соли 2024 дар филиали Донишкада 52 курс бо фарогирии 1300 нафар шунавнада ба нақша гирифта шуданд, ки то охири сол 65 курс бо фарогирии 1368 нафар шунаванда баргузор гардиданд.
Муовини ректори Донишкадаи ҷумҳуриявӣ Абдусаттор Наҷмиддиниён иброз дошт, ки ҷиҳати дар сатҳи баланд ба роҳ мондани низоми сесолаи такмили ихтисос, ки ҳамчун таҷрибаи нав аз моҳи январи соли 2025 амалӣ карда мешавад, бояд нақшабандии мушаххас роҳандозӣ шуда, бо шуъбаҳои маорифи шаҳру ноҳияҳо ҳамкориҳои самарабахш ба роҳ монда шавад. Дар навбати худ муовини сардори раёсати маорифи ВМКБ Аҳмадшо Муаллифшоев иброз дошт, ки мушкилоте, ки дар таъмини шунанвадагон ба курсҳои такмили ихтисос дар ноҳияҳои вилоят ҷой дорад, минбаъд баҳри ҳалли ин масъала кӯшиши бештар аз ҷониби раёсати маориф хоҳад шуд.
Дар фарҷом муовини ректор Абдусаттор Наҷмиддиниён иброз дошт, ки дар давраи ҳисоботӣ филиал ба як қатор дастовардҳои назаррас ноил гардида бошад ҳам, боз корҳои зиёде бояд анҷом дода шавад.
Хабарҳои дигар
-
Ифтитоҳи 7 муассисаи таълимии томактабӣ дар Вилояти Мухтори Куҳистони Бадахшон 25 июн Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба таври маҷозӣ 7 муассисаи таълимии томактабӣ, ки дар деҳаҳои Мотравн, Будун, Вишхарв, Жамаг, Бунай, Техарв ва Ғуҷовасти ноҳияи Ванҷ бунёд гардидааст, ифтитоҳ намуданд. Муассисаҳои таълимии томактабии навбунёд аз 20 синфхона иборат буда, барои 380 тарбиятгиранда пешбинӣ шудааст. Дар онҳо 34 нафар бо кори доимӣ таъмин гардиданд.
3
25.06.2025 -
БОЗДИД АЗ РАФТИ КОРҲОИ ТАЪМИРУ АЗНАВСОЗӢ ДАР МУАССИСАИ ТАҲСИЛОТИ МИЁНАИ УМУМИИ №9-И ШАҲРИ КӮЛОБ 23 июни соли 2025 вазири маориф ва илми Ҷумҳурии Тоҷикистон Раҳим Саидзода аз рафти корҳои таъмиру азнавсозӣ дар Муассисаи таҳсилоти миёнаи умумии №9-и шаҳри Кӯлоб ошно гардид. Зимни боздид вазир бо роҳбарият ва сохтмончиёни муассисаи таълимӣ мулоқот анҷом дода, ҷиҳати бо сифати баланд ва дар муҳлати муайянгардида ба анҷом расонидани корҳои сохтмонӣ таъкид намуд. Тибқи иттилои пешниҳодшуда, айни замон дар муассисаи таълимии мазкур 480 хонанда дар як баст ба таҳсил фаро гирифта шудаанд. Теъдоди умумии омӯзгорон 68 нафарро ташкил медиҳад. Муассиса дорои 16 синфхона, 2 синфхонаи компютерӣ, 1 синфхонаи технологияи меҳнат, китобхона, ошхона, толори варзишӣ, толори фарҳангӣ ва 10 утоқи иловагӣ мебошад. Ҳамзамон, дар назар дошта шудааст, ки дар назди муассиса Маркази инкишофи кӯдак таъсис дода шуда, ба истифода супорида шавад. Маркази матбуотиВазорати маориф ва илмиҶумҳурии Тоҷикистон
29
24.06.2025 -
ВОХӮРӢ БО ДИРЕКТОРОНИ МУАССИСАҲОИ ТАЪЛИМИИ ШАҲРИ КӮЛОБ 23 июни соли 2025 вазири маориф ва илми Ҷумҳурии Тоҷикистон Раҳим Саидзода бо директорони муассисаҳои таҳсилоти миёнаи умумӣ ва мудирони муассисаҳои таҳсилоти томактабии шаҳри Кӯлоб вохӯрӣ анҷом дод. Дар мулоқоти ҳамчунин муовини раиси шаҳри Кӯлоб ва сардори раёсати маорифи вилояти Хатлон низ иштирок намуданд. Дар оғози вохӯрӣ вазири маориф ва илм ҳамаи иштирокчиёнро ба ифтихори Рӯзи Ваҳдати миллӣ, ки дар таърихи навини Тоҷикистон мавқеи баланд ва аҳамияти сарнавиштсоз дорад, самимона табрик намуд. Вазир бо ифтихор аз хизматҳои таърихии Асосгузори сулҳу ваҳдати миллӣ - Пешвои муаззами миллат муҳтарам Эмомалӣ Раҳмон дар роҳи таъмини сулҳу субот ва ваҳдати миллӣ ёдовар шуда, таъкид дошт, ки маҳз бо роҳбарии оқилона ва сиёсати сулҳофаринии Сарвари давлат имрӯз мо дар фазои осуда барои рушди соҳаи маориф талош меварзем. Дар ҷараёни вохӯрӣ як қатор масъалаҳои муҳимми соҳаи маориф мавриди баррасӣ қарор гирифтанд. Аз ҷумла, вазир таъкид кард, ки таҳсилоти томактабӣ заминаи асосии рушди маънавию зеҳнии кӯдаконро ташкил медиҳад ва дар ин самт таваҷҷуҳ бояд бештар гардад. Вобаста ба талаботи рӯзафзуни ҷомеа ба муассисаҳои таълимӣ, вазир ҷараёни сохтмон ва таъмири муассисаҳои таълимиро таҳлил намуда, ба масъулин супориш дод, ки раванди сохтмони иншооти таълимӣ бо назардошти талаботи замони муосир ва босифат ба анҷом расонида шаванд. Вазири маориф ва илм дар идома қайд кард, ки барои баланд бардоштани сатҳи таълим, муассисаҳо бояд бо кабинетҳои фаннӣ, таҷҳизоти ҳозиразамон ва лавозимоти омӯзишӣ таъмин бошанд. Ин омилҳо барои дар амал татбиқ намудани стандартҳои давлатии таҳсилот ва рушди қобилияти хонандагон мусоидат мекунанд. Яке аз масъалаҳои муҳимми муҳокимашуда дар вохӯрӣ, ин сарфа намудани неруи барқ буд. Вазир аз директорони муассисаҳо даъват ба амал овард, ки неруи барқро оқилона истифода намоянд. Дар интиҳои вохӯрӣ, вазири маориф ва илм ба иштирокчиён барои заҳмати пайваста дар самти рушду пешрафти маориф изҳори сипос намуда, баён дошт, ки мо, аҳли маорифи кишварро зарур аст, ки дар заминаи дастуру супоришҳо ва ҳидоятҳои рӯзафзуни Пешвои миллат беш аз пеш кӯшиш намоем ва баҳри пешрафти соҳаи маориф саҳми шоиста гузорем. Маркази матбуотиВазорати маориф ва илмиҶумҳурии Тоҷикистон
41
24.06.2025
