БАРНОМАИ ДАСТГИРИИ ТАҲСИЛОТИ БОСИФАТ II

 

Қисмати 1: Баланд бардоштани сифат ва мутобиқати таҳсилот ва таҳсилоти касбӣ

Ҳадафи асосӣ: Тақвият бахшидани таҳсилоти миёнаи умумӣ ва таҳсилоти касбӣ-техникӣ (ВЕТ), ки фарогири беҳтарсозии сифати таълим, мутобиқат ва дастрасии таҳсилот дар асоси усули таҳсилоти салоҳиятнока дар таҳсилоти миёнаи умумӣ ва касбӣ-техникӣ бо мақсади қонеъ кардани ниёзҳои донишомӯзон ва бозори меҳнат мебошад.

Ин унсур дар бар мегирад навсозии барномаҳои таълимӣ, низомҳои баҳодиҳии донишомӯзон, омодасозии омӯзгорон, таҳия ва озмоиши стандартҳои салоҳият ва барномаҳои таълимӣ барои 20 ихтисоси афзалиятноки таҳсилоти касбӣ-техникӣ, инчунин ворид намудани роҳҳалҳои омӯзиши рақамӣ.

Яке аз самтҳои асосӣ — мусоидат ба Ҷумҳурии Тоҷикистон барои ворид шудан ба фазои байналмилалии таҳсилот тавассути иштирок дар PISA2025 мебошад.

Қисмати 2: Низоми тақвиятёфтаи иттилооти бозори меҳнат

 Ҳадафи асосӣ: Беҳтарсозии Низоми иттилоотии бозори меҳнат (LMIS).

Ҳадаф аз он иборат аст, ки Низоми иттилоотии бозори меҳнат (LMIS) рушд ва такмил ёбад, то тавонад талабот ва пешниҳоди бозори меҳнатро беҳтар пайваст намояд, салоҳиятҳои меҳнатиро инкишоф диҳад ва равандҳои рушди салоҳиятҳоро тибқи сиёсати қабулшуда таблиғ ва ҳамоҳанг созад.

Ин раванд таҳлил, арзёбӣ ва пешниҳоди тавсияҳоро барои такмили минбаъдаи Низоми иттилоотии бозори меҳнат (LMIS) дар бар мегирад.

Қисмати 3: Идоракунӣ ва маблағгузории беҳтар

Ҳадафи асосӣ: Тақвият бахшидани идоракунии соҳаи маориф тавассути тамаркуз ба тарҳҳои нави маблағгузорӣ, рушди қобилиятҳо барои назорат ва арзёбии дастовардҳо, таҳияи сиёсати идоракунии барномаҳо ва ҳамоҳангсозӣ бо ҷонибҳои манфиатдор

Қисмати 4: Таълими рақамӣ ва фарогир

Ҳадафи асосӣ: Кумак ба Кумитаи давлатии таҳсилоти ибтидоӣ ва миёнаи касбӣ ҷиҳати таъсиси низоми идоракунии иттилоот барои таҳсилоти ибтидоии касбӣ (PVET).

Дастгирӣ дар таъсиси як низоми функсионалии идоракунии иттилоот барои таҳсилоти ибтидоии касбӣ (PVET), ки дастгирии техникиро ва омодасозии кадрҳоро дар бар мегирад.

Қисмати 5: Дастгирии васеъшуда ба таҳсилоти касбӣ-тахникии ибтидоӣ

Ҳадафи асосӣ: Мутобиқсозии инфрасохтори таълимӣ ба ниёзҳои донишомӯзони дорои эҳтиёҷоти махсуси таълимӣ.

Мутобиқ гардонидани шароити муассисаҳои интихобшудаи таҳсилоти касбӣ ба стандартҳои фарогирӣ ва дастрасӣ барои донишомӯзони дорои эҳтиёҷоти махсус (аз ҷумла шахсони дорои маълулият).

Қисмати 6: Назорати самараноки дастгирии буҷет

Ҳадафи асосӣ: Кумак дар татбиқи Барномаи дастгирии буҷетӣ, ки аз ҷониби Иттиҳоди Аврупо маблағгузорӣ мешавад.

Назорат аз болои татбиқи самараноки барнома бо мақсади таъмини мутобиқати он ба ҳадафҳои Лоиҳа ва истифодаи самараноки захираҳо.