БАРНОМАИ ДАСТГИРИИ ТАҲСИЛОТИ БОСИФАТ II
-
НАТИҶАГИРӢ АЗ РАФТИ ИҶРОИ ЛОИҲАИ “КӮМАКИ ИТТИҲОДИ АВРУПО БА СОҲАҲОИ МАОРИФ ВА МЕҲНАТИ ҶУМҲУРИИ ТОҶИКИСТОН” 29-уми январи соли ҷорӣ дар толори меҳмонхонаи “Ҳилтон” вобаста ба натиҷагирӣ аз рафти иҷрои лоиҳаи “Кӯмаки Иттиҳоди Аврупо ба соҳаҳои маориф ва меҳнати Ҷумҳурии Тоҷикистон” семинар баргузор гардид. Дар семинари мазкур муовини вазири маориф ва илм Равшан Каримзода, муовини раиси Кумита оид ба таҳсилоти ибтидоӣ ва миёнаи касбӣ Алишер Ализода, роҳбари шуъбаи ҳамкорӣ Изабел Уриз, менеҷер оид ба соҳаи маорифи намояндагии Иттиҳоди Аврупо дар Ҷумҳурии Тоҷикистон Диана Димова, намояндагони Вазорати меҳнат, муҳоҷират ва шуғли аҳолӣ, сардорон ва кормандони раёсату шуъбаҳои дахдори дастгоҳи марказӣ ва муассисаҳои тобеи Вазорати маориф ва илм иштирок намуданд. Зимни сухани ифтитоҳӣ муовини вазири маориф ва илм аз таваҷҷуҳу ғамхориҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба соҳаи маориф ёдовар шуда, ҳамкориҳои Вазорати маориф ва илми Ҷумҳурии Тоҷикистонро бо шарикони рушд дар самтҳои гуногуни соҳа дар партави сиёсати маорифпарваронаи Сарвари давлат боиси рушди соҳаи маориф унвон намуд. Сипас, намояндагони лоиҳа дар ҳамкорӣ бо намояндагони соҳаи маориф аз корҳои басомонрасида дар доираи лоиҳаи мазкур натиҷагирӣ намуда, нақшаҳои ва муҳлати амалишавии онҳоро пешниҳоди ҳозирин намуданд. Дар охир гуфта шуд, ки рушди босуботи соҳаи маориф тақозо мекунад, ки низоми маориф ба стандартҳои байналмилалӣ мутобиқ карда шавад ва ҳамкориҳо бо ташкилоту созмонҳои байналмилалӣ вусъат пайдо кунад.150
29.01.2025
-
Баргузории семинари якум оид ба дурнамои малакаҳо Дар доираи лоиҳаи “Дастгирии Иттиҳоди Аврупо ба соҳаҳои маориф ва меҳнати Ҷумҳурии Тоҷикистон”, ки бо маблағгузории Иттиҳоди Аврупо амалӣ мегардад, якум семинари оид ба Дурнамои малакаҳо баргузор гардид. Ҳадафи семинар баланд бардоштани иқтидори мақомоти Тоҷикистон барои мутобиқ намудани малакаҳои кадрҳо бо талаботи бозори меҳнат буд. Иштирокчиён бо усулҳои дурнамои малакаҳо шинос шуда, соҳаҳои асосӣ, аз ҷумла технологияҳои иттилоотӣ, гузариш ба энергетикаи сабз ва сохтмонро барои таҳқиқоти оянда муайян намуданд. Ҳамчунин, нақшаи корӣ барои қадамҳои минбаъда таҳия гардид. Ин ташаббус, ки бо маблағгузории Иттиҳоди Аврупо дастгирӣ шудааст, як қадами муҳим дар роҳи пешгӯии ниёзҳои ояндаи бозори меҳнат дар Тоҷикистон мебошад.186
13.12.2024
-
Рӯнамоии таҳқиқот дар бораи рушди фрилансинг дар Тоҷикистон 11 декабри соли 2024, дар доираи лоиҳаи “Дастгирии Иттиҳоди Аврупо ба соҳаҳои маориф ва меҳнати Ҷумҳурии Тоҷикистон”, рӯнамоии натиҷаҳои “Таҳқиқот ва коркарди механизмҳои бақайдгирӣ ва рушди фрилансинг дар Ҷумҳурии Тоҷикистон” баргузор гардид. Чорабинӣ дар Вазорати меҳнат, муҳоҷират ва шуғли аҳолӣ баргузор шуд. Дар таҳқиқот имкониятҳо ва мушкилоти фрилансинг дар Тоҷикистон баррасӣ шуданд, ки ба норасоии инфрасохтор, монеаҳои ҳуқуқӣ ва мушкилоти молиявӣ рабт доранд. Пешниҳодҳои асосӣ дарбар мегиранд: таъсиси платформаи миллии фрилансинг, ҷорӣ намудани барномаҳои таълимӣ ва беҳбуди инфрасохтори интернет ва барқ. Вазорат омодагии худро барои пешниҳоди гуруҳи корӣ ҷиҳати танзими фрилансинг ва мусоидат ба рушди он баён намуд. Ин ташаббус ҳадафи қавӣ намудани фрилансерҳои Тоҷикистон ва мутобиқ намудани кишвар ба равандҳои ҷаҳонии иқтисоди рақамӣ ва эҷодиро дорад.127
11.12.2024
