ЭМОМАЛӢ РАҲМОН
АСОСГУЗОРИ СУЛҲУ ВАҲДАТИ МИЛЛӢ-ПЕШВОИ МИЛЛАТ
ВАЗОРАТИ МАОРИФ ВА ИЛМИ ҶУМҲУРИИ ТОҶИКИСТОН
Хабарҳо
Ҳамаи хабарҳо
-
ПОСИ ХОТИРИ ҚАҲРАМОНОНИ МИЛЛӢ ВА ТАҲКИМИ ХУДШИНОСИИ ТОҶИКОН ДАР ПАРТАВИ СИЁСАТИ ПЕШВОИ МИЛЛАТ Бо чунин унвон дар Донишгоҳи давлатии Кӯлоб ба номи Абуабдуллоҳи Рӯдакӣ ҳамоиши илмӣ-маърифатии ҳайати олимону донишмандон ва устодону донишҷӯёни муассиса дар ҳошияи маросими ба Ватан баргардондани мушти хоки оромгоҳи қаҳрамонони миллӣ баргузор гардид. Дар ҳамоиш ректори донишгоҳ, муовинони ректор, ҳайати устодон, муҳаққиқон ва донишҷӯён иштирок намуданд. Кори ҳамоиш бо садо додани Суруди миллӣ ва намоиши филми мустанад доир ба рӯзгор, фаъолияти сиёсӣ ва корнамоиҳои фарзандони фарзонаи миллат оғоз гардид, ки дар он саҳми мондагори Нусратулло Махсум, Шириншо Шотемур ва Нисор Муҳаммад дар роҳи ташаккули давлатдории миллӣ ва ҳифзи арзишҳои фарҳангиву маънавии тоҷикон бозтоб ёфт. Зимни ироаи сухани муқаддамотӣ ректори донишгоҳ Мунир Сафарзо датаъкид доштанд, ки дар таърихи давлатдории халқҳо рӯйдодҳое ҳастанд, ки на танҳо ҳамчун воқеаи сиёсӣ, балки ҳамчун эҳёи виҷдон, бедории хотираи миллӣ ва рамзи адолати таърихӣ ҷовидона боқӣ мемонанд. Иқдоми наҷибона ва пурифтихори Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба Ватан баргардондани мушти хоки оромгоҳи фарзандони фарзонаи миллат-Нусратулло Махсум, Шириншо Шотемур ва чеҳраи маъруфи маърифатпарвари тоҷик Нисор Муҳаммад маҳз аз ҷумлаи ҳамин гуна рӯйдодҳои сарнавиштсоз мебошад. Таъкид гардид, ки ин иқдом танҳо маросими рамзии интиқоли мушти хок набуда, балки таҷассумгари эҳтироми давлат ба таърих, қадршиносии миллат аз фарзандони содиқ ва зуҳури сиёсати фарҳангсолоронаи Роҳбарияти Олии кишвар мебошад. Дар воқеъ, миллате, ки қаҳрамонони худро пос медорад ва хотираи онҳоро зинда нигоҳ медорад, ҳеҷ гоҳ дар саҳнаи таърих гум намешавад. Нусратулло Махсум ва Шириншо Шотемур аз ҷумлаи он чеҳраҳои нодире буданд, ки дар марҳилаи ниҳоят ҳассоси таърихи тоҷикон барои ташаккули давлатдории миллӣ мубориза бурданд. Онҳо дар замоне қадам ба майдони сиёсат гузоштанд, ки сарнавишти миллатҳои Осиёи Марказӣ дар чорроҳаи тақсимоти сиёсиву маъмурӣ қарор дошт. Маҳз бо ҷасорат, хирад ва иродаи ин фарзандони ватандӯст Тоҷикистон аз як воҳиди маҳдуди маъмурӣ ба Ҷумҳурии Шуравии Сотсиалистии Тоҷикистон табдил ёфта, пояҳои давлатдории тоҷикон таҳким пайдо кард. Дар идома Холиқзода Сафар, дотсенти кафедраи химия ва методикаи таълими муассиса дар мавзуи “Қудуми ин мусофир қаҳрамонҳоят муборак, Тоҷикистонам” маъруза намуда, таъкид дошт, ки бозгашти мушти хоки фарзандони фарзонаи миллат ба Ватан на танҳо рӯйдоди таърихӣ, балки рамзи пирӯзии ҳақиқат, эҳёи хотираи миллӣ ва таҳкими руҳияи ватандӯстӣ дар ҷомеа мебошад. Зикр гардид, ки ин иқдоми башардӯстона ва таърихии Пешвои миллат дар замири мардум эҳсоси баланди арҷгузорӣ ба таърих ва муқаддасоти миллӣ ба вуҷуд оварда, ҷавононро ба омӯзиши амиқи мероси сиёсию маънавии қаҳрамонони миллат ҳидоят менамояд. Ҳамчунин, иброз дошт, ки хизматҳои Нусратулло Махсум, Шириншо Шотемур ва Носир Муҳаммад дар роҳи ҳифзи манфиатҳои тоҷикон ва ташаккули давлатдории миллӣ барои наслҳои имрӯзу фардо ҳамчун мактаби ҷовидонаи худшиносӣ ва ватандорӣ хизмат хоҳанд кард. Зимнан, Изатов Умедҷон, дотсенти кафедраи сиёсатшиносӣ ҳангоми ироаи маъруза дар мавзуи “Ба Ватан баргардондани мушти хоки оромгоҳи қаҳрамонони миллӣ ҳамчун таҷассуми сиёсати эҳёи адолати таърихии Пешвои миллат муҳтарам Эмомалӣ Раҳмон” таъкид намуд, ки арзиши сиёсӣ ва маънавии ин иқдом ниҳоят бузург буда, он ҳамчун нишонаи эҳтироми давлат ба таърихи миллат ва қадршиносӣ аз хизматҳои фарзандони содиқи Ватан арзёбӣ мегардад. Қайд гардид, ки ба таври бошукӯҳ ва тантанавӣ ба Ватан овардани мушти хоки қаҳрамонони миллӣ аз ғурбат на танҳо эҳёи адолати таърихӣ, балки таҳкими ваҳдати миллӣ ва бедории шуури таърихии ҷомеа мебошад. Таъкид шуд, ки чунин иқдомҳо симои давлатдории миллиро таҳким бахшида, нишон медиҳад, ки Тоҷикистон таҳти роҳбарии Пешвои миллат ба арзишҳои таърихӣ, хотираи миллӣ ва эҳтироми фарзандони фарзонаи миллат ба таври шоиставу ифтихорӣ арҷ мегузорад. Дар идома Бадалов Исфандиёр, ёвари ректори донишгоҳ дар мавзуи “Эҳёи адолати таърихӣ ва нақши қаҳрамонони миллӣ дар таҳкими давлатдории тоҷикон” баромад намуда, иброз дошт, ки эҳтиром ба корнома ва мероси шахсиятҳои барҷастаи миллат яке аз заминаҳои асосии ташаккули худшиносии миллӣ ва тарбияи насли ватандӯст мебошад. Таъкид гардид, ки қаҳрамонони миллат дар давраҳои пуртазоди таърихӣ бо фидокорӣ ва иродаи қавӣ барои ҳифзи ҳастии миллат, забон, фарҳанг ва давлатдории тоҷикон мубориза бурдаанд ва имрӯз пос доштани хотираи онҳо рисолати маънавии ҳар як фарди худогоҳи ҷомеа ба шумор меравад. Номбурда инчунин зикр намуд, ки сиёсати фарҳангпарварона ва инсонмеҳваронаи Пешвои миллат барои эҳёи ҳақиқати таърихӣ ва муаррифии чеҳраҳои барҷастаи миллат заминаи мусоиди илмӣ ва маънавӣ фароҳам овардааст. Дар умум, таъкид гардид, ки ҳамоиши илмӣ-маърифатии ҳайати олимону донишмандон, устодон ва донишҷӯёни донишгоҳ таҳти унвони «Поси хотири қаҳрамонони миллӣ ва таҳкими худшиносии тоҷикон дар партави сиёсати Пешвои миллат» бо баҳрамандӣ аз сиёсати инсондӯстонаи Пешвои муаззами миллат, Президенти кишвар муҳтарам Эмомалӣ Раҳмон ҳамчун арҷгузорӣ ба корнома ва ҷоннисориҳои фарзандони фарзонаи миллат ва бозгӯи эҳтироми амиқи ҷомеаи илмии ин боргоҳи илму маърифат ба таърихи давлатдории тоҷикон мебошад. Зикр шуд, ки ин иқдоми таърихӣ - ба Ватан баргардондани мушти хоки оромгоҳи қаҳрамонони миллӣ, дар замири ҷомеа, бахусус ҷавонон эҳсоси баланди худшиносӣ, ватандӯстӣ, ҳифзи ҳофизаи таърихӣ ва арҷгузорӣ ба муқаддасоти миллиро таҳким мебахшад. Изҳори умед карда шуд, ки чунин ҳамоишҳо барои омӯзиши амиқи мероси сиёсиву маънавии қаҳрамонони миллат заминаи мусоид фароҳам оварда, ҳамчун майдони муҳими илмӣ барои таҳқиқ, тарғиб ва ҳифзи арзишҳои давлатдории миллӣ хизмат менамоянд ва дар таҳкими ваҳдати миллӣ, эҳёи тафаккури таърихӣ ва тарбияи насли худогоҳу содиқ ба Ватан нақши муассир хоҳанд гузошт.32
20.05.2026
-
ДАР ДОИРАИ ҲАФТАИ ИЛМ ИМРӮЗ ФОРУМИ НАВРАСОНИ АСРИ ТЕХНОЛОГИЯ БАРГУЗОР ШУД 20 майи соли 2026 дар IT Park-и шаҳри Душанбе Форуми наврасони асри технология бо иштироки хонандагони муассисаҳои таҳсилоти миёнаи умумии пойтахт оғоз гардид. Дар чорабини роҳбарият ва ҳайати кормнадони Муассисаи давлатии “Маркази таҳлилӣ-иттилоотии назди Сарраёсати маорифи шаҳри Душанбе”, ҳайати ҳакамон ва хонандагни муассисаҳои таҳсилоти миёнаи умумии пойтахт иштирок намуданд. Зимни ифтитоҳи чорабинӣ қайд карда шуд, ки ҳамасола бо ташаббуси Раиси шаҳри Душанбе, муҳтарм Рустами Эмомалӣ дар пойтахт “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” бо шукӯҳ баргузор карда мешавад. Форуми наврасони асри технология дар доираи ҳафтаи мазкур баргузор гардида, дар баланд бардоштани сатҳу сифати таҳсилот, рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкорӣ ва навоварӣ, бедор намудани шавқу рағбати хонандагон ба эҷодкорӣ, омӯзиши амиқи илмҳои дақиқ ва риёзӣ, дастгирии ихтироъкорону навоварони наврасу ҷавон ва дарёфту муаррифии истеъдодҳои нав дар байни хонандагони муассисаҳои таҳсилоти миёнаи умумии шаҳри Душанбе мусоидат менамояд. Дар доираи Форум, иштирокчиён лоиҳаҳои худро аз рӯи номинатсияҳои «Барномаи компютерӣ», «Замимаи мобилӣ», «Web-сомона», «Чат-бот» ва «Дизайни графикӣ (UI/UX)» муаррифӣ намуданд. Аз ҷониби ҳайати ҳакамон лоиҳаҳо баҳогузорӣ шуда, ғолибон муайян карда шуданд. Ғолибон дар маросими тантанавии ҷамъбасти “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” қадрдонӣ гардида, аз ҷиҳати моддӣ ва маънавӣ ҳавасманд карда мешаванд. Қайд кардан ба маврид аст, ки баргузории чунин чорабиниҳо барои дарёфт ва рушди истеъдодҳои наврас ва ҷавон шароит фароҳам оварда, нерӯи онҳо барои пешрафти соҳаҳои илм, технология ва тиҷорати рақамӣ қавитар мегардонад.33
20.05.2026
-
ИШТИРОК ДАР ФОРУМИ ҶАҲОНИИ МАОРИФ – 2026 ВА ГУСТАРИШИ ҲАМКОРИҲОИ БАЙНАЛМИЛАЛӢ Аз 17 то 20 майи соли 2026 дар шаҳри Лондон Форуми ҷаҳонии маориф – 2026 (Education World Forum - 2026) баргузор гардид, ки бузургтарин ҳамоиши байналмилалӣ дар соҳаи маориф ва рушди малакаҳои касбӣ дар ҷаҳон ба ҳисоб меравад. Форуми имсола таҳти унвони «Таълим барои ояндаи муштарак: сулҳ, сайёра, ҳадаф ва роҳҳо» баргузор шуда, намояндагони даҳҳо кишвари ҷаҳон, вазирони маориф, роҳбарони сохторҳои байналмилалӣ, коршиносон ва шарикони стратегии соҳаи маорифро гирди ҳам овард. Дар кори форум ҳайати Ҷумҳурии Тоҷикистон таҳти роҳбарии муовини якуми вазири маориф ва илми Ҷумҳурии Тоҷикистон Ҳомид Ҳошимзода иштирок намуд. Дар доираи форум масъалаҳои мубрами ҷаҳонӣ, аз ҷумла, таҳкими сулҳ ва ҳамбастагии иҷтимоӣ тавассути маориф, таъсири тағйирёбии иқлим, рушди технологияҳои рақамӣ ва зеҳни сунъӣ, инчунин мутобиқсозии низоми таҳсилот ба талаботи бозори меҳнат мавриди баррасӣ қарор гирифтанд. Иштирокчиёни форум таъкид намуданд, ки дар шароити афзоиши буҳронҳои ҷаҳонӣ ва тағйироти босуръати технологӣ, маориф бояд ҳамчун воситаи асосии рушди устувор, навоварӣ ва ташаккули ҷомеаи одилона хизмат намояд. Барномаи форум аз ҷаласаҳои пленарӣ, муҳокимаҳои соҳавӣ, семинарҳо ва мулоқотҳои дуҷониба иборат буда, барои мубодилаи таҷриба ва густариши ҳамкориҳои байналмилалӣ дар соҳаи маориф заминаи мусоид фароҳам овард. Дар ҳошияи форум муовини якуми вазири маориф ва илм як қатор мулоқотҳои судмандро бо намояндагони ташкилотҳо ва муассисаҳои бонуфузи байналмилалӣ анҷом дод. Аз ҷумла, мулоқот бо намояндагони Шурои бритониёвӣ (British Council) баргузор гардида, зимни он масъалаҳои рушди омӯзиши забони англисӣ, такмили ихтисоси омӯзгорон, таҳсилоти фарогир, рақамикунонии соҳаи маориф ва густариши мубодилаи академӣ мавриди баррасӣ қарор гирифтанд. Ҷонибҳо омодагии худро барои ба сатҳи нави стратегӣ баровардани ҳамкориҳо иброз намуданд. Ҳамчунин, мулоқот бо намояндагони Созмони байналмилалии донишгоҳҳои Британияи Кабир (Universities UK International) доир гардида, масъалаҳои байналмилаликунонии таҳсилоти олӣ, татбиқи барномаҳои муштараки таълимӣ, таъсиси низоми дудиплома, мубодилаи донишҷӯён ва омӯзгорон, инчунин рушди таҳқиқоти муштараки илмӣ баррасӣ шуданд. Таваҷҷуҳи махсус ба рушди ҳамкорӣ дар самтҳои технологияҳои рақамӣ, зеҳни сунъӣ, энергетика, иқтисоди сабз ва илмҳои дақиқ зоҳир гардид. Дар доираи сафари корӣ инчунин мулоқот бо намояндагони Донишгоҳи Сити Сент Ҷорҷс, Лондон (City St George’s, University of London) баргузор гардид. Зимни вохӯрӣ ҷонибҳо масъалаҳои рушди ҳамкорӣ дар самтҳои технологияҳои иттилоотӣ, иқтисоди рақамӣ, молия, бонкдорӣ, менеҷмент, идоракунии давлатӣ ва инноватсияро муҳокима намуданд. Масъалаҳои таҳкими ҳамкориҳои илмӣ ва таҳқиқотӣ ҳамчунин дар мулоқот бо намояндагони Донишгоҳи Гринвич (University of Greenwich) мавриди баррасӣ қарор гирифтанд. Дар вохӯрӣ ҷонибҳо ба рушди ҳамкорӣ дар самтҳои энергетика, экология, тағйирёбии иқлим, рушди устувор, кишоварзии муосир ва технологияҳои сабз таваҷҷуҳи хоса зоҳир намуданд. Ҳамзамон, мулоқот бо намояндагони ширкати Эфекта (EFEKTA EDUCATION LTD) баргузор гардида, масъалаҳои татбиқи платформаҳои муосири омӯзиши забони англисӣ, рушди малакаҳои омӯзгорон ва ворид намудани технологияҳои инноватсионӣ ба низоми таҳсилот муҳокима шуданд. Қайд гардид, ки ҳамкорӣ бо ширкат метавонад барои баланд бардоштани сифати таълими забони англисӣ ва мутобиқсозии таҳсилот ба стандартҳои байналмилалӣ заминаи мусоид фароҳам оварад. Дар идомаи барномаи форум мулоқот бо намояндагони Донишгоҳи Вестминстер (University of Westminster) баргузор шуда, ҷонибҳо масъалаҳои ҳамкорӣ дар самтҳои рӯзноманигорӣ, технологияҳои рақамӣ, соҳибкорӣ, менеҷмент ва таҳқиқоти илмиро баррасӣ намуданд. Дар ҷараёни форум мулоқот бо намояндагони Системаи донишгоҳҳои ҷаҳонӣ (Global Universities System) низ баргузор гардид. Ҷонибҳо ба масъалаҳои рушди шабакаҳои байналмилалии академӣ, таҳқиқоти муштараки илмӣ, технологияҳои рақамӣ, зеҳни сунъӣ ва рушди таҳсилоти фаромиллӣ таваҷҷуҳи махсус зоҳир намуданд. Дар ҳамаи мулоқотҳо муовини якуми вазир таъкид намуд, ки Тоҷикистон имрӯз ба рушди таҳсилоти муосир, байналмилаликунонии донишгоҳҳо, рақамикунонии соҳаи маориф, рушди илм ва технология ва омодасозии мутахассисони рақобатпазир аҳамияти афзалиятнок медиҳад. Қайд гардид, ки густариши ҳамкориҳо бо ташкилотҳо ва донишгоҳҳои бонуфузи байналмилалӣ метавонад барои баланд бардоштани сифати таҳсилот, рушди сармояи инсонӣ, таҳкими иқтидори илмӣ ва мутобиқсозии низоми таҳсилоти кишвар ба талаботи ҷаҳони муосир заминаи мусоид фароҳам оварад. Ёдовар мешавем, ки Форуми ҷаҳонии маориф ҳамасола бо иштироки намояндагони маорифи кишварҳои ҷаҳон баргузор гардида, яке аз муҳимтарин платформаҳои байналмилалӣ дар самти сиёсати маориф, рушди малакаҳои асри XXI ва таҳкими ҳамкориҳои байналмилалӣ ба ҳисоб меравад.26
20.05.2026
Лоиҳаҳо
Ҳамаи лоиҳаҳо
-
Барои донишҷӯён
Маълумоти муфид барои донишҷӯён
-
Волидайн
Маълумоти муфид барои волидайн
-
Барои омӯзгорон
Маълумоти муфид барои омӯзгорон
-
МТМУ
Маълумоти муфид барои МТМУ
-
МТО
Маълумоти муфид барои МТО
Захираҳо
-
Китобхонаи электронӣ
Вазорати маориф ва илми Ҷумхурии Тоҷикистон
-
Мактаб Мобайл
Платформаи таълимии рақамӣ
-
Китобдӯст
Замимаи мобилӣ барои хурдсолон
-
Сандуқчаи зулбиё
Платформа барои хонандагони томактабӣ
-
Анбори электронӣ
Захираҳои электронӣ
-
Бозиҳои математикӣ
Замимаи мобилӣ барои хонандагони синфҳои 1-4
Эълон
Бештар-
20.05.2026
Invitation for Bids
Invitation for Bids Бештар -
20.05.2026
Приглашение к участию в торгах
Приглашение к участию в торгах Бештар -
15.05.2026
Специальное уведомление о закупках
Специальное уведомление о закупках Бештар
Ҳамаи элонҳо
Ҷумҳурӣ
Таҳсилоти томактабӣ
Тарбиятгиранда
Омӯзгор
Таҳсилоти миёнаи умумӣ
Хонанда
Омӯзгор
Таҳсилоти олии касбӣ
Донишҷӯ
Омӯзгор
